Perintah nengeri nadai besiping enggau TM
TM agi tau enggau ngatur RWMF tauka ngengkah staf sida di Sarawak ditu tang bepalan ba opis STB
KUCHING: Perintah nengeri nadai napi sebarang penanggul enti Dagang Temuai Malaysia ( TM) deka enggau ngatur Rainforest World Music Festival ( RWMF) berengkah ari 14 ngagai 16 Julai tu ila, di Sarawak Cultural Village (SCV) di Damai ditu.
M e n t e r i D a g a n g Temuai, Seni, Main Asal, Nembiak, Lumba enggau Main, Datuk Abdul Karim Rahman Hamzah madah, enti nitihka RWMF enggau TM nadai bisi kaul, ku iya.
“Kaunsil Dagang Temuai Sarawak (STB) nadai kaul enggau TM. TM bisi tanggung pengawa sida empu ngelakuka semua nengeri dalam Malaysia. Ukai reti nya, kitai di Sarawak tu enda begunaka pengari ari TM ke bisi ditu suba, tang sida iya enda begunaka Sarawak, tambah mega kitai agi sebagi ari Malaysia,nya kebuah TM agi ngembuan tanggung pengawa ngelakuka nengeri Sarawak.
“Sarawak bisi identiti kediri empu, baka opis STB, pengawa sida sebaka enggau TM. Kitai di Sarawak semina ngarapka STB ngelakuka nengeri Sarawak,” ku Abdul Karim.
Iya madah munyi nya lebuh dikerandau ba aum media pengudah ngarika STB nerima duit belanja ari Zurich Insurance Malaysia Berhad (ZIMB) enggau Zurich Takaful Malaysia Berhas (ZTMB) (Zurich Malaysia), nengah Tanggung Pengawa Rama (CSR) sida, ke diatu begempung enggau STB dalam ng- atur ‘Rainforest World Music Festival’ (RWMF) 2017 ba opis STB ditu, kemari.
Taja pia, Abdul Karim madahka Sarawak ulih dibai berunding enti TM deka engkahka pengari sida di Sarawak, tang bepalan di opis STB ditu . Ba tanya bukai, nyema RWMF nya diambi kompeni peribit laban STB mangku tanggungpengawa ke berat ngangkatka dagang temuai di nengeri tu diatu, baka ke kala dipadah Menteri ti mangku tanggungpengawa ba pekara dagang temuai ke sebedau tu (Datuk Amar Abang Johari Tun Openg), ku Abdul Karim:
“Aku bedau ulih nyaut tanya nya, laban enti bisi perambu dekaka RWMF diatur kompeni peribit, tambah agi nya penemu Kepala Menteri lmaya nya, engka perintah nengeri deka beratika penemu nya.
“Aku enda nemu pasal pun enggau ujung cherita nya, enda manah enti aku ngenemuka diri nyaut ngarika iya (Kepala Menteri), tang laban tu penemu asal iya, lalu tentu bisi kebuah iya madah munyi nya, nganti iya empu madah baru ila,” ku iya.
Kaunsil Dagang Temuai Sarawak (STB) nadai kaul enggau TM. TM bisi tanggung pengawa sida empu ngelakuka semua nengeri dalam Malaysia. Ukai reti nya, kitai di Sarawak tu enda begunaka pengari ari TM ke bisi ditu suba, tang sida iya enda begunaka Sarawak, tambah mega kitai agi sebagi ari Malaysia,nya kebuah TM agi ngembuan tanggung pengawa ngelakuka nengeri Sarawak. Datuk Abdul Karim Rahman Hamzah Menteri Dagang Temuai, Seni, Main Asal, Nembiak,Lumba enggau Main