RM132,000 geran MRP udah diberi ngagai DUN Bkt Goram
ti tinggi.
Kelimpah ari nya iya madahka pangku pengawa Ketua Polis Daerah Song ti puang ditinggalka DSP Kamaluddin Kassim sebedau tu deka diisi enda lama agi.
Penemuai nya disempulang Ketuai Opis Sumber Strategik dan Teknologi (StaRT) Kontijen Sarawak ACP Radenan Mohamad Alwi enggau Ketua Polis Daerah Sibu ACP Saiful Bahari Abdullah enggau bala pegawai kanan polis ari Indu Opis Polis Kontinjen (IPK) Sarawak.
Penatai raban nya urung pukul 10 peagi kemari disambut Pemangku Ketua Polis Daerah ASP Balie Jelian. KAPIT: Kaban Kunsil Nengeri ( ADUN) Bukit Goram Jefferson Jamit Unyat bisi nyuaka 14 iti chek sepenyampau RM132,000 rambau atur Pengawa Nyuaka Chek MRP 2017 Sitak DUN Bukit Goram, kemari.
Dalam jaku dipansutka iya, Jamit ngena awak nya meri terima kasih ngagai bala pengundi di Bukit Goram ke udah ngundi iya rambau pengawa bepilih nengeri nyadi pengari rayat sida.
“Ari sukung tegap kita ngujungka aku ulih nyadi pengari lalu sehari tu aku datai baru gawaka kita ungkup lima taun.
“Sekali agi, aku deka meri terima kasih ngagai bala pengundi di Bukit Goram ke udah ngundi aku rambau pengawa bepilih nyin tadi nyadi pengari rayat.
“Ba tanggungpengawa nyadi pengari rayat, aku naka ulih gawa ngarika bala pengundi. Aku deka naka ulih ngulu program ke diatur Komiti Pemansang enggau Pengelikun Genturung Pendiau (JKKK) rumah panjai di menua pesisir, Serakup Apai Indai enggau Pengajar (PIBG), aktiviti ke diatur gempung ukai dikuasa perintah (NGO) di pasar tauka perintah.
“Ba aku empu, mit tauka besai program nya, pekara ti pemadu beguna betemu enggau raban renggat akar umbi. Iya nyediaka pelasar ngagai aku ngenataika polisi perintah lalu berebak enggau nya nerima penerang pasal peminta rayat,” ku Jamit.
Ku Jamit nerang, perintah masa sukung ari akar umbi, mayuh macham bantu baka geran Projek Mit Pemansang Menua Pesisir (MRP) ti diberi nengh pengari rayat Barisan Nasional (BN) dikena bejalaika projek tauka aktiviti rama.
Belanja ari perintah nengah pengari rayat tu bisi dua bansa, MRP enggau Program Transformasyen Menua Pesisir (RTP).
“Ba atur pengawa ke bukai, ajy nerima surat peminta ari JKKK, PIBG, kelab tauka serakup minta belanja. Pen- yampau agih belanja bepanggai ba tuju aktiviti enggau pemerat peminta nya.
“Taja pia, aku deka ngagihka belanja ngagai semua JKKK enggau sida ti minta bantu dalam sitak dipegai aku,” ku Jamit nerang silik.
Iya ngelalau bala penerima madahka bala kaban sida sentang chek ke udah dipasuk ngagai akaun.
Iya nyemetak madahka pemesai guna nyimpan rikot memanah pasal tuju belanja sereta salin keretas kereja meseti dianjung ngagai palan servis iya di Palan Servis Bukit Goram ngambika disimpan dalam file. Ku iya nambah, tu atur peminta lalu dikearapka semua penerima ulih nitihka atur baru tu.
Bala penerima chek tu iya nya Gerempung Pengajar Sarawak Kapit sepenyampau RM10,000 ungkup akitiviti rama, JKKK Nanga Sebabu, RM 25,000 dikena bebelika ramu rumah, Tadika Chung Hua RM 5,000 ungkup aktiviti rama, aktiviti rama Safari Rakit Baleh- Kapit RM 10,000, JKKK Sungai Goh Ulu RM 7, 000 ungkup ramu berumah , JKKK Kampung Puan Sri Tiong RM 3,000 ungkup aktiviti rama Biro Indu, JKKK Semunjun Ili Belawai RM 15,000 ungkup kereban berumah, JKKK Semunjan Tengah Belawai RM 15,000 dikena berumah, JKKK Semunjan Ulu Belawai RM 15,000 kena berumah, Serakup Pengelantang Ruang Bilik Polis (PERKEP) RM 5,000, Kelab Pengelantang Pampang Khas IPD Kapit RM 5,000, Kaunsil Kepala Pengajar Pelilih Kapit RM 5, 000, PIBG SK Sungai Paku RM 5, 000, sereta JKP Komuniti China Kapit RM 7,000.
Temenggong Tan Kian Hoo, Pemanca Yong Thu Fook, Penghulu Pasang Tubah, Penghulu Sia Shui Poh, Kapitan Yiap Yii Hoo, Kapitan Neo Kee Hoi, kapitan Kong Cheak Hee, Kapitan Yap Hui Li, Kaunsilor George Tang, Chairman SASIA Kapit Edward Manggah sekeda ari temuai ke bisi datai.