Isu insfrastruktur Usahajaya Baru deka dikenatai ngagai perintah besai
SIBU: Penanggul insfrastruktur di Genturung Pendiau Usahajaya Baru, Sentosa di Jalai Salim deka dikemerat lalu dikenatai ngagai perintah besai.
Ketuai Nembiak Parti Sa’ati Rakyat Sarawak ( SUPP) Pampang Bukit Assek Kunsilor Joseph Chieng madah, SUPP nengah dua pampang baka Bukit Assek enggau Dudong deka bekerejasama enggau Parti Pesaka Bumiputera Bersatu (PBB) Pampang Dudong mutarka penanggul nya ke pemaik peranak dia ti udah lama nganti genturung pendiau sida dikemansangka.
“Beberapa bulan sebedau tu, kami udah bejalaika pengawa matau di genturung epndiau nya lalu ngelala penanggul ke bekaul sereta deka mantaika pelin ngemanah insfrastruktur nya ngagai perintah besai.
“Ketegal kandang endur ke bepaya, jalai ai alit ti ngujungka nyadi ampuh bah ngenyit lalu jalai pan rusak nyentuk ke tau ngenusah penguna jalai alun ba kandang endur nya,” ku iya.
Iya bejaku munyi nya lebuh ngulu Pengerami Ngiling Bidai ke diatur Mamat Pata, siku peranak menua nya bedau lama ke udah.
Pengerami nya bela digulu Chairman SUPP Pampang Bukit Assek, Chieng Buong Toon.
Joseph mega siku ari Chalun ti dikeandalka SUPP ungkup sitak Parlimen Lanang madahka iya deka ngenataika peminta nya ngagai Majlis Perbandaran Sibu (MPS) lalu besemaya beratika gaya di genturung pendiau nya.
Berebak engagu nya, Mamat ke mega chairman pengatur pengerami lebuh ke bejaku, madahka bisi urung 800 bansa Iban idup likun begulai enggau raban bansa Melayu sereta China di Genturung Pendiau Usahajaya Baru, Sentosa nya.
Ku iya, ninting taun sida begempuru lalu begula ngerami Hari Gawai.
“Bansa Iban di genturung pendiau tu deka meri sukung penuh ngagai Kunsilor Joseph Chieng nyadi chalun Barisan Nasional (BN) ungkup Parlimen Lanang ngambika menang ba Pengawa Bepilih Besai (PRU) ke deka datai.
“Taja pia Joseph Chieng ukai kunsilor ba kandang menua nya, iya enggau ra- ban iya suah betemu enggau mensia mayuh lalu enggau naka ulih mutarka penanggul peranak dia,” ku iya.
Ku iya, rikod servis iya pemadu manah lalu udah matak ati enggau basa sereta sukung peranak ditu.
Neng ah awak nya, Joseph meri besai terima kasih ng agai peranak dia ketegal udah pechayaka iya.
Iya mega meransang peranak dia majak nyukung BN ngambika ulih ngambi pulai sitak Parlimen Lanang ba PRU ti deka datai. SIBU: Beserimbai enggau pengerami Gawai Dayak, Sarakup Indu Dayak Sarawak (SIDS) Sibu udah nemuai ngagai rumah dua iku kaban serakup nya ti dituntung penusah, ensanus.
Raban nya betuaika Chairlady Dato Ir Alice Jawan disempulang raban Exco iya.
Dua iku kaban serakup, iya nya anak niang ex-kaban ser- akup nya Amy enggau Rose Chukan ke mega Ketuai SIDS Kandang Menua Teku.
Lebuh ke nemuai nya, Alice bisi nyuaka bantu pengasih ngarika SIDS Sibu.