Mayuh pekara dikemerat sebedau nutup SKM
Penemu ari semua enda tau enda dipending dulu sebedau ngaga pemutus kelebih agi ari apai indai
KUCHING: Opis Menteri Pelajar Malaysia ( KPM) beratka mayuh pekara sebedau ngaga sebarang pemutus nutup urung 2,900 buah sekula kurang nembiak (SKM) di serata menua.
Menteri iya, Dato Seri Mahdzir Khalid madah, penemu ari mayuh piak patut dipending sereta dikemerat, kelebih agi penemu ari apai indai.
“SKM tu ke bendar iya mayuh, bisi 2,900 buah semua di serata menua, ke bisi nembiak kurang ari 150 iku.
“Nya alai nitihka atur ke udah bisi, kitai enda ulih nutup sekula nya seagi enda dipesetuju apai indai.
“Bisi mega sekula ke dipelabaka bisi empat tauka lima iku, kitai benung be- rundingka chara mutarka pekara tu,” ku iya lebuh dikerandau raban pengarang berita, malam ensanus.
Mahdzir bisi datai ngulu aum betambit pintu, Persidangan Kebangsaan Pengurusan Pendidikan Pegawai Pendidikan Daerah 2017, Mesyuarat Agung MPPDM Ke-19 ke diatur Bahagian Pengurusan Sekolah Majlis Pegawai Pendidikan Sekolah Harian (BPSH), KPM begulai enggau Majlis Pegawai Pendidikan Daerah Malaysia (MPPDM) ba sebuah hotel ditu.
Bejaku baru iya madah, enti sekula nya dipegulaika mega patut beguna penemu enggau runding raban bansa ba menua tauka kandang endur nya, kelimpah ari opis menteri.
Taja pia, pemutus timpuh
SKM tu ke bendar iya mayuh, bisi 2,900 buah semua di serata menua, ke bisi nembiak kurang ari 150 iku. Dato Seri Mahdzir Khalid Menteri Pelajar Malaysia
panjai, sesebengkah atur ti engkeman patut dipejalaika dikena mutarka sekula kurang nembiak nya.
“Enti nyebut pasal sekula digempung, nya ukai pekara ti dikedeka tauka dikerindu raban bansa laban engka jauh tauka di luar kandang menua sida iya.
“Tang dalam timpuh panjai pekara tu enda tau enda diperundingka, lalu tu mega patut dipesetuju raban bansa, gerempung apai indai enggau pengajar (PIBG), gerempung ukai dikuasa perintah (NGO) enggau bala ketuai raban bansa ba sesebuah kandang menua nya.
“Kitai (opis menteri) ulih meri penemu, tang penemu sida patut dikemeratka, laban baka ni deka ngemujurka program tu enti kitai terus ngaga pemutus sereta enda beratka penemu sida, ni nemu nya (pemutus) enda dikerinduka raban bansa,” ku iya.
Bepelasarka penerang ari Menteri Pelajar, Sains eng- gau Pansik Teknologi Dato Sri Michael Manyin Jawong ba sebengkah aum pengarang berita Hari Pengajar 2017 Pejabat Pendidikan Daerah (PPD) Padawan bulan Julai tu tadi, di Sarawak bisi 651 SKM (sekula kurang nem- biak) enggau penyampau nembiak kurang ari 150 iku sereta tebal agi sekula di menua pesisir.