Sangking lambang PBT ba semua perengka guna
Tu ngemuntangka mensia mayuh betelefon terus ngagai piak PBT bekaul enggau sebarang isu tauka penanggul
SIBU: Opis Menteri Pengawa Berumah enggau Kaunsil Kandang Menua udah ngerah semua piak kaunsil kandang menua (PBT) di nengeri tu nyangkingka lambang PBT diri empu ba semua perengka ke dipenggi sereta diintu PBT baka jalai enggau parit.
Menteri Muda Kaunsil Kandang Menua, Datu Dr Penguang Manggil madah, gerah tu dipansut pengudah aum opis menteri kena 10 Julai tu tadi.
“Atur tu betuju ngemuntangka mensia mayuh betelefon terus ngagai PBT,” ku iya maya ditanya pasal penyampau PBT ba nengeri tu ke udah bejalaika gerah nya.
Kaban Kunsil Nengeri Marudi nya mega madah,
Berebak enggau nya, tu mega deka mantu PBT mutarka penanggul, sebana sereta isu bekaul enggau jampat. Datu Dr Penguang Manggil Menteri Mudah Kaunsil Kandang Menua
lambang ba genap nama jalai enggau perengka guna PBT nya deka ngemuntangka mensia mayuh ngenataika sebana, penanggul sereta isu bekaul enggau PBT.
“Berebak enggau nya, tu mega deka mantu PBT mutarka penanggul, sebana sereta isu bekaul enggau jampat,” ku Dr Penguang. Sapit Chairman Kaunsil Mengeri Sibu (MPS), Rogayah Jamain mega madah, penyampau papan tanda nama jalai ke baru udah disangking enggau lambang MPS.
Ku iya, atur nya kelai nitihka gerah ari Opis Menteri Pengawa Berumah enggau Kaunsil Kandang Menua.
Nangkan nya, kenu ku Chairman Kaunsil Menua Pesisir Pelilih Sibu (MDLBS), Sempurai Petrus Ngelai, piak sida deka bejalaika nitihka gerah nya enda lama agi.
“Tu deka mantu nyeli- ahka papan tanda nya dichuri piak ke nadai mereti sereya ngemuntang mensia mayuh ngelala adan ke dikuasa MPS enggau MDLBS,” ku iya.