150 pesereta Pekit Nginti Tasik Belawai nerima baju ari Shimano

SIBU: Bisi 150 iku pesereta keterubah ari Sibu ke udah ngerejista diri ungkup Pekit Nginti Tasik Belawai Shimano Ke-6 ke diatur kena 10 September tu ila udah ngambi baju pandak dipelanja Shimano.

Sekretari Jaku Inggeris Kelab Nginti Sibu (SFC) Peter Sia madah, bisi 60 lambar baju pandak ungkup pesereta ari Belawai ke berejista.

“Taun tu SFC ngandalka penatai urung 300 iku pesereta,” ku iya nengah sebengkah penerang.

Kenu ku Peter, baju pandak nya deka dijual berega 30 peratus maya program diatur.

Pekit nya diatur begulai enggau Kelab Rekreasi enggau Pengelantang Pendiau Orang Gawa Perintah ( Maksak) nengah kerejasama Oft Pancing S/B.

Program tu dipelanja Shimano (S) Pte Ltd.

Bayar panjar ungkup kaban kelab iya nya RM20 lalu ukai kaban RM35.

Pengawa ngerejista pengu- dah haribulan kepenudi agi ulih diterima tang penyampau bayar rejista RM50 ungkup seiku (ngagai kaban enggau ukai kaban).

Pekit tu dibagi ngagai dua kategori iya nya Kategori A (pesereta ke ngena produk Shimano) enggau kategori B (dibuka ngagai semua peserta).

Udah nya, SFC mega deka ngatur Pekit Nyura Belawai Ke-4 ba tasik enggau dibuka ngagai nembiak beumur 12 taun ke baruh.

Pekit tu diatur begulai enggau Kelab Rando Belawai.

Masuk pekit nadai bebayar lalu pekit tu dibagi ngagai tiga kategori - Gerup A (beumur 6 - 9), Gerup B (beumur 10 - 12) enggau Gerup C (beumur 6 - 12).

Iya madah Gerup A enggau B semina dibuka ngagai nembiak ba Belawai lalu Gerup C dibuka ngagai nembiak ari Sibu.

Iya madah pemenang 10 kategori besai deka nerima trofi enggau hamper.