Kes pemati seiku nembiak sekula ke dijamah patut nyadi lalau semua piak
Ari penyampau 75 iku penerima nya (semilan iku lelaki enggau 66 iku indu), ke alai 34 iku ari sida (tiga lelaki enggau 31 iku indu) datai ari Song seraya 41 iku ke bukai (enam lelaki enggau 35 indu) datai ari Kapit.
Sapit Menteri Pemansang Menua Pesisir enggau Kandang Menua, Datuk Alexander Nanta Linggi, ke lalu nyadi Kaban Parlimen (MP) Kapit udah dipebasa bejadika pengawa nyuaka projek 1Azam ke diatu di Hotel Meligai ditu, apin lama ke udah.
“Aku ngarapka projek ti diterima kita ukai semina nyadika pemandang aja, tang patut dikena ngepunka dagang mit ngulihka belanja ungkup ruang bilik diri.
“Anang bejualka perengka ti udah diberi lalu aku ngarapka nadai orang deka beambi ulih ari projek tu.
“Nyema bala kitai salah guna pemeri tu nyangka deka mangka bala bukai dudi hari. Pekara tu endang kala nyadi, nya alai aku enggaika program dipejalaika perintah disalah guna.
“Nengah pemeri tu, perintah ngandalka kita ulih gawa ngatika diri ari semina bepanggai ba bantu e-kasih ti kelalu mit,” ku Nanta.
Ku iya, tetiap projek beungkus RM5,000, dikena meri awak ngagai raban nya muka dagang kediri empu.
Nangkan nya ku Nanta, opis menteri iya deka matau nentuka bala penerima mujur ba dagang sida. Nyema program tu nyapai pemujur, dikearap perintah nengah opis menteri (KKLW) deka berunding nyediaka projek 1Azam udah tu.
Sama bisi datai, Penulung Pemesai Palan Pemujur Besai Menua ( NKRA) Opis Menteri Pemansang Orang Indu, Ruang Bilik enggau Raban Bansa, Abdul Muhaimin Bin Abdul Latiff, Penulung Sekretari Kaunsil Pelilih Kapit, Kelimbik Sibat, Penghulu Sia Shui Poh, Pemesai Pekara khas Nanta, Ambrose Abong Bugek sereta sekeda pengari ari mayuh bengkah ejensi perintah.
Nitih ku Abdul Muhaimin Bin Abdul Latiff, Renggat Satu projek 1Azam (ari baruh servis enggau dagang) udah diagih dalam taun 2015 ngaul 35 iku penerima, 34 iku ari Song lalu seiku ari Kapit. KUCHING: Pemarai seiku nembiak Primari Satu ba sebuah sekula bemalam di Kapit kena Hari Empat tu tadi patut nyadika lalau ngagai semua piak kelebih agi apai indai, bala pengajar enggau piak sekula, laya antara nembiak sekula enda patut dipeda pia aja lalu meseti diputar.
Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Fatimah Abdullah madah dikena nyeliahka sebarang penusah besai nyadi baka pemarai, ketegal penanggul ditapi tauka saru penemu bala nembiak enda ulih ditejuka pia aja.
“Pekara ke nyadi iya nya kes beduan ti ngujungka pemarai, seduai iya, orang ti dikeduan enggau iya ke beduan bela agi biak. Baka penyadi api, ti ngasuh penusah angus, laya mit ti enda ditemu enggau diputar deka nyadi besai nyema enda dikeibuh,” ku iya pengudah bejadika pengawa nyuaka bantu pengelantang ninting bulan ngagai 100 iku penerima di Serakup Heng Hua Seng Ing Tong Kuching, ditu kemari.
Ku iya nambah, kes tu benung dipansik polis lalu opis menteri agi nganti pansik ari polis enggau atur ke patut ngagai suspek.
Iya pechaya, pekara ti nyadi berindik ari saru penemu antara seduai.
“Kitai deka nyediaka servis kaunseling ngagai sida niang sebilik pengudah polis tembu mansik.”
Kena Hari Empat tu tadi, seiku nembiak Primari Satu parai pengudah dijamah seiku nembiak Primari Enam di sekula bemalam di Kapit. Niang madamka seput urung pukul 3.30 lemai di Sepital Sibu ketegal balat bakal ba pala enggau abi telih ditemu ba serata tubuh.
Kes tu dipansik di baruh Seksyen 302 Kanun Keseksaan, penyalah munuh lalu suspek beumur 12 taun udah ditan ngambika ditukik enggau jamin polis laban iya deka napi peresa Ujian Pencapaian Sekolah Rendah ( UPSR) dalam bulan baru.