Sebuah lori ngundan bir bebadi ba Bukit Peninjau
MIRI: Sebuah lori tiga tan ti ngundan 100 katun bir Carlsberg udah bebadi kediri ba Bukit Peninjau, semak Bekenu tumu pagi Hari Satu tu tadi.
Ketuai Opis Bomba enggau Penyah Penusah Miri, Ketuai Pemantu Superintenden Pengerara Api, Assang Langir lebuh dikerandau kemari madahka tim iya nerima kangau pasal penusah nya pukul 5.22 dinihari.
“Kami berumbai ngagai palan penusah ke nyadi nya pengudah nerima kangau. Lebuh datai ba palan nya, kami meda deriba lori enggau pemantu iya lekat ba palan seduai ke duduk,” ku iya.
Ku iya, raban tim iya lalu berumban ngemansutka seduai nya ari pala lori nya.
“Seduai semina bisi baka mimit aja,” ku iya.
Nitihka berita, penusah nya nyadi maya lori nya benung dalam pejalai nuju ke Beluru.
Ketegal penusah nya, beribu tim bir tepambur pansut ari lori nya.
Penusah nya ti dikerembai nengah media rama udah dipekunsi sdikejaku lebih seribu iku pengudah tepedaka gambar peranak menua ke besemak berebut ngumpul tin bir ti tepambur ari lori nya.
Biri mega berita selebubu madahka bir nya dibuai dia ketegal dibai tama belalai tauka udah mati timpuh sah.
Berebak enggau nya, Ketuai Polis Marud DSP Gabriel Risut lebuh ke dikanga ngena telefon madahka iya nadai udah nerima ripot pasal penusah bebadi nya.
“Nadai ripot udah digaga, tang aku udah ngasuh bala aku meresa pekara nya,” ku iya.
Nitihka penerang kemari madahka penudah nya nyadi ba simpang TBukit Peninjau – jalai besai Beluru, lalu nadai agi utai bisi tinggal dia kelimpah ari kutak bir kusung.