Ukum meriri orang ke ngereja penyalah beleman mali deka dipejuraika: Fatimah
KUCHING: Menteri Pengelantang Pendiau, Komuniti, Orang Indu, Ruang Bilik enggau Pemansang Anak Mit, Dato Sri Fatimah Abdullah madah kemari, perintah nengeri dipelaba deka bejuraika ukum meriri orang ke ngereja pengawa salah, masung tauka beleman mali.
Ku iya, siti aum pemesai di atur sehari tu nyengkaum sadang ke udah diterima ari timbal mensia mayuh nyukung sadang nya, laban beratika mayuh udah kes beleman mali bisi nyadi.
“Udah kami ngaga ‘profiling’, baru kami deka bejuraika ukum meriri sekalika deka dipasuk ke dalam makmal nya tauka enda,” ku Fatimah madah lebuh nyadi chairman aum media pengudah aum Opis Kunsil Orang Indu enggau Diri Sebilik ( MWPKS) begulai enggau ejiensi perintah sereta NGO di sebuah hotel ditu, kemari.
O p i s M e n t e r i KKKWKPK dipela- baka deka berengkah ngaga makmal entara ejensi nya ke deka ngaga ‘profiling’ kes ti deka dipejalaika Kaunsil Pemansang Pengawa Rama ( MPSS), lalu makmal tu deka dipunka dalam minggu tu, begulai enggau makmal entara ejensi perintah dikena negmutarka penanggul beleman mali ke majak nyadi di Sarawak, lalu dipelabaka tembu dalam bulan Novem- ber tu ila.
Iya madah makmal entara ejensi nya deka betuaika Kaunsil Pemansang Pengawa Rama lalu deka disereta Polis Diraja Malaysia (PDRM), Rumah Jil, Opis Pengerai, Gerempung Ukai Dikuasa Perintah (NGO kelebih agi Orang Indu Sarawak ke Komuniti Orang Indu) Bala Ketuai pupu raban bansa, raban Yang Berhormat, KKKWKPK, Opis Orang Indu enggau Ruang Bilik Sarawak ( JWKS) enggau Opis Pengelantang Pendiau (JKMS).
“Udah kami nembuka ‘profiling’ nya, baru kami deka bejuraika sadang meriri orang ke ngaga pengawa salah beleman mali nya,” ku Fatimah.
Aum Hari Satu tu tadi bela digulu Direktor Opis Tasat Pengawa Salah ( JSJ) Indu Opis Kuching ( IPK) Dato Dev Kumar, Direktor MWPKS, Noriah Ahmad enggau ketuai MPSS, Dr. Dr. Zufar Yadi Brandon Abdullah.