Raban nembiak diatu patut nemu reti merdeka
Penguji ke diasai lebuh ngulihka kuasa merintah kediri patut nyadi lalau dikena ngetanka penyerakup
KANOWIT: Sejarah merdeka ba menua tu udah bepun kenyau ari niang Tunku Abdul Rahman Putra Alhaj, Menteri Besai Malaysia ti keterubah ke udah mujur mai menua tu ulih megai perintah kediri. Ari pengeransing iya ngeringka menua, rayat Malaysia diatu ti ari pupu raban bansa ulih idup begulai enggau pangan diri enggau lantang sereta beserakup dalam menua tu.
Sapit Menteri Pemansang Menua Pesisir enggau Kandang Menua (KKLW) Datuk Alexander Nanta Linggi madah munyi nya lebuh bejadika Program ‘Moh Ngeteh Merdeka KKLW’ Opis Pemansang Komuniti (KEMAS) Renggat Nengeri Sarawak ti bepalan ba Balai Opis Pelilih Kanowit kemari.
Ku iya, nyadi peranak menua Malaysia, apai indai, pengajar enggau nembiak patut nemu bakani pemedis deka ngulihka kuasa megai menua kediri.
“Beserimbai enggau nya, cherita ti bekaul enggau pengawa ngetanka menua patut bela ditemu raban nembiak rebak baru ngambika sida nemu reti kebendar merdeka. Ngarapka nengah cherita nya ulih nerenak runding talukka menua sereta patriotisme ba nembiak rebak baru diatu.
“Mayuh andau sereta penguji ke udah ditapi bala sida ti ngetanka menua jeman sebedau nyapai merdeka,” ku iya.
Iya nambah, pengelantang ke udah diasai kitai diatu patut ditegika ngambi ulih terus ngasai pemansang nyentukka kitai teulihka [ engidup ti menyana sereta manah agi ke asil ari idup begulai pupu bansa.
Ku iya nandu agi, kitai enggaika pengidup sebedau menua tu merdeka diasai baru nyentukka pengidup rayat dikeruga lalu tu mih ti patut diseliahka kitai ungkup penyerakup, sereta nyema menua kitai tu lantang enggau likun ekonomi ulih diangkat.
Kelimpah ari nya, Alexan- der meri besai terima kasih ngagai KEMAS Sarawak ti udah ngatur pengerami ke endang manah lalu engkeman digaga jam tu dikena kitai betatika pekara ti nyadi sebedau menua tu merdeka lalu pengudah menua tu ulih megai kuasa merintah kediri ngagai raban nembiak rebak baru.
“Kitai patut madah ngagai raban nembiak rebak baru bakani gaya aki ini kitai ngetanka menua kelebih agi ungkup bala nembiak mit tu tideka nyadi penyambung tampuk kuasa menua dikena ngetanka pemansang jemah ila,” ku iya nambah.
Alexander mega ngarapka tanggungpengawa nerenak runding sereta ulah ti menyana ngagai nembiak TABIKA enggau TASKA ulih diteruska.
Ku iya, runding nembiak tu patut dikerembai enggau mayuh macham penemu sereta pengelandik lalu enda semesti nya ditaka ngagai penyuulut dalam bidang akademik aja, tang bela disempulang enggau penemu sereta ulah ti manahlalu pengawa nya patut diterus nyentukka nembiak nya nyulut lalu mujur seriris enggau transformasyen sereta juluk penumbuh TABIKA enggau TASKA ke endang nyadi pilih lumur satu apai enggau indai.
Beserimbai enggau pengawa bejalaika tiga modal pelajar Islam (PPI), nerenak runding patriotik enggau modul pechaya ngagai diri empu ti nyadi penambah ke engkeman ngagai pengawa nyukung sistem pelajar menua ti deka ngadaka nembiak ke ngembuan pengelandik, penemu, ulah ti manah sereta ngembuan identiti nasional.
Sama bisi bejaku rambau atur pengawa nya Pengari Direktor KEMAS Sarawak Dayang Monalizawati Abang Ismail.
Urung 750 iku nembiak ari TABIKA enggau TASKA, apai indai, temuai khas sereta ke buaki bisi ngulu pengerami tu.
Sama bisi datai iya nya Kaban Par l imen ( MP) Kanowit Datuk Aaron Ago Dagang, Kaban Kunsil Nengeri (ADUN) Machan Allan Siden Gramong, Penulung Pemesai KEMAS Sarawak Langie Liban, Pemesai KEMAS Pelilih Kanowit Siti Jauyah, ketuai opis Pelilih Kanowit sereta pemesai unit Opersyen KEMAS Nengeri Sarawak.
Beserimbai enggau nya, cherita ti bekaul enggau pengawa ngetanka menua patut bela ditemu raban nembiak rebak baru ngambika sida nemu reti kebendar merdeka. Ngarapka nengah cherita nya ulih nerenak runding talukka menua sereta patriotisme ba nembiak rebak baru diatu.