RM7j diagih ngagai PPK, PNK ba selampur menua tu
Genap organisasyen nya deka nerima agih belanja RM30,000 ke pemaik kaban gerempung
SERDANG: Menteri Besai Datuk Seri Najib Tun Razak kemari madah ngungkupka agih belanja RM30,000 ngagai genap Gerempung Orang Bumai Pelilih Menua (PPK) enggau Gerempung Orang Berikan Pelilih Menua (PNK) ke mungkur belanja manggai RM7 juta dikena ngenegapka dua oganisasyen nya.
Mansutka jaku nya rambau bejadika Hari Orang Bumai, Betupi enggau Berikan Kebangsaan 2017 (HPPNK2017) enggau Malaysia Food Festival ba Taba Ekspo Betanam Betupi Malaysia ( Maeps) ditu, Najib madah agih belanja nya dikena meri bansa ngagai raban nya ke udah nyendiaka bekal pemakai ngagai menua tu lalu meri pemakai ngagai urung sejuta kaban gerempung nyengkaum orang bumai, betupi enggau berikan ba selampur menua.
“Nyadi orang bumai, betupi enggau berikan ke udah bebendar tulang nyendiaka pemakai ngagai rayat nya pengawa ke chukup badas lalu laban sida nyadi orang ke chukup semak ba ati aku, pengawa sida ‘wira ke nadai dilagu’ tu patut diberi dipuji besai,” ku iya.
Nitihku iya, sektor betanam betupi enggau agropemakai mantu urung RM89.3 bilion enggau RM36.5 bilion ngagai Asil Pemansut Dalam Menua kena 2016, udah nya pemansut komoditi pemakai baka padi, sayur, buah, dagin enggau ikan ngerikod pen-
Nyadi orang bumai, betupi enggau berikan ke udah bebendar tulang nyendiaka pemakai ngagai rayat nya pengawa ke chukup badas lalu laban sida nyadi orang ke chukup semak ba ati aku, pengawa sida ‘wira ke nadai dilagu’ tu patut diberi dipuji besai. Datuk Seri Najib Tun Razak Menteri Besai Malaysia
guntung ke ngerembai iya nya manggai tikas 3.9 peratus setaun dalam timpuh 2011 nyentuk 2016.
Najib ke mega Menteri Wang madah agih belanja ke udah dikemendarka Opis Menteri Wang nya ulih ‘meransang’ ketuai orang bumai enggau berikan dikena ngerembaika agi pengawa diri.
Bisi 278 PPK ba menua tu enggau 88 PNK.
Berambaika jaku “Makanan Kita, Masa Depan Kita” bejadika HPPNK, ti deka diatur pengelama empat hari nyentuk 1 Okt nya mega bisi digulu bini Menteri Besai Datin Seri Rosmah Mansor enggau Menteri Betanam Betupi enggau Industri Asas Tani Datuk Seri Ahmad Shabery Cheek.
Menteri Besai madah pengemeran industri betanam betupi patut berunding tikas dunya sereta nempa pengaya nengah sektor nya lalu anang semina ‘gawa’ ba tikas dalam menua aja baka ngerunding pengawa bumai, betupi enggau berikan semina ungkup ‘chukup makai’.
Ku iya, taja penau industri betanam betupi bedau dijapai penuh tang pemujur ke mitmit udah berupai bepelasarka pengelaku ba tikas dunya ngagai buah rian, sarang burung layang, herba enggau oborobor ke endang nyadi produk premium menua tu.
Najib madah penemuai iya ke China chukup mujur laban udah muka dagang produk baru betanam betupi, lebih agi buah rian ti dikemendar dieksport ngagai menua ‘Tembok Besar’ nya kelimpah mujur matak pemeranak puku manggai RM144 bilion ke Malaysia.
Menteri Besai mega bisi madah iya siku orang ti megai tanggungpengawa minta buah rian dikemendar dieksport ngagai China maya betemu enggau ketuai menua nya, lalu ngemataka tauke buah rian ‘ Musang King’ bulih untung besai laban rega eksport manggai lebih RM100 sekilogram.
Pemujur nya nyengala nyangkal petenah penyakal ti ngumbai iya nyual rega menua tang kebendar penemuai iya mai mayuh pemaik ngagai rayat, ku iya.
Ngaga pemansang Projek Pejalai Rel Pantai Timur ( ECRL) nyadika chunto bukai, Menteri Besai madah perengka guna rel mansa Kelantan, Terengganu enggau Pahang nya deka mai mayuh pemaik ngagai orang bumai, betupi enggau berikan ba sukut eksport pemansut asil sida.
“Nengah sistem logistik baru sereta moden, pengawa ngudar produk betanam betupi enggau asil berikan enda ibuh agi ngena orang tengah lalu pengawa baka nya tentu meri penguntung ke lebih besai ngagai pengeluar,” ku Najib.
Iya madah pemansang ECRL nya mega deka mantu ngangkatka ekonomi ba Pantai Timur manggai 1.5 peratus setaun laban peminta ke tinggi.
“Pemaik ari kaul ke manah enggau menua kuasa ekonomi tu nadai dipadahka penyakal taja kebendar pengawa kitai chukup terang iya nya deka nyadi sebagi ari ‘global supply chain’, kitai deka mai mayuh untung ngagai orang bumai, betupi enggau berikan,” ku iya. — Bernama