JPJ ngerikod 12 kes bekaul enggau integriti
Bisi beratus ripot dikenatai, dipansik pengamat ngelanggar integriti sebedau bejalaika atur
KUCHING: Opis Perengka Pengangkut Jalai (JPJ) Nengeri Sarawak dalam taun 2017 naka ke diatu bisi ngerikod 12 kes bekaul enggau integriti.
Sapit Ketuai Direktor JPJ Malaysia, Datuk Wan Ahmad Uzir Wan Sulaiman madah, nya ari penyampau beratus ripot ke bisi dikenatai sereta dipansik lalu ditukuka dulu pengamat ngelanggar integriti baru bejalaika atur.
Nitih ku iya di serata Malaysia, JPJ bisi ngerikod urung 64 kes pengereja pengawa JPJ ngelanggar integriti ba taun 2016, lalu penyampau kes nya pemadu minima, lalu naka ke diatu dalam taun 2017 bisi 31 kes di serata Malaysia.
“Ba JPJ Sarawak aja naka ke diatu, bisi 12 kes bekaul enggau integriti ti mega nyengkaum enggau dua kes dadah.
“Ke bendar mayuh ripot tauka sebana diterima kami tang kami mansik dulu nya, lalu nyema ditemu salah nya baru diukum nyentuk dibuai kereja.
“Ambika chunto di Sarawak
Ba JPJ Sarawak aja naka ke diatu, bisi 12 kes bekaul enggau integriti ti mega nyengkaum enggau dua kes dadah. Datuk Wan Ahmad Uzir Wan Sulaiman Sapit Ketuai Direktor JPJ Malaysia
bisi empat kes dibuai kereja sereta seiti kes ditan kereja lalu ke bukai diturunka pangkat enggau kebukai,” ku iya lebuh dikerandau raban pengarang berita.
Dulu ari nya Ahmad Uzir bejadika ‘Majlis Ikrar Bebas Rasuah JPJ’ Nengeri Sarawak ke diatur ba Indu Opis JPJ Nengeri Sarawak ditu,kemari.
“Taja pan JPJ ngerikod minima pengereja pengawa ti ngelanggar integriti, kitai enda tau ngelakka aja, kitai patut suah ingatka integriti,” ku iya.
Di Sarawak bisi 567 iku pengereja pengawa ti nyeng- kaum 142 iku ukai uniform.
Berebak enggau tu mega iya mega ngelalau mensia mayuh ngeripot tauka ngenataika sebana ngagai JPJ nyema bisi nemu pengreja pengawa JPJ ngelanggar integriti.
Kelimpah ari nya, Ahmad Uzir mega ngenang operasyen ke benung dipejalaika JPJ baka Ops Tutup 1/2017 ti berengkah 2 Oktober tu tadi.
Ops nya dipejalaika dikena ngenukuka perengaka pengangkut barang baka lori ke mai batu bata, pasir tanah enggau ke bukai nitihka atur ke udah ditetapka.
“Tuju ops tu dipejalaika dikena nentuka deriba enggau perengka pengangkut nitihka atur undang-undang ti udah ditetapka baka enda ngundan barang ngelui ari ke patut lalu deriba patut bisi lisin ti sah,” ku iya.
Kenyau ari ops nya dipe- jalaika ( 2- 8 Oktober) bisi 15,405 perengka pengangkut udah diperesa, lalu ari penyampau nya JPJ mujur tetemuka 8,371 penyalah tauka 29 peratus.
Ari penyampau 8,371 penyalah nya bisi 5,594 saman udah diberi ngagai deriba enggau pengempu perengka pengangkut. Nya ngayanka pengempu tauka deriba nya ngereja penyalah lebih ari sekali dalam seiti timpuh.
Asil ops nya ngayanka penyalah mai lebih barang iya nya pemadu mayuh ditemu sereta ke diukum iya nya 25 peratus.
Sama bisi dalam aum pengarang berita nya kemari, Sapit Direktor Komiti Penagang Makai Suap Malaysia (SPRM) Zulhairy Zaidel enggau Direktor JPJ Negeri Sarawak, Mohd Shafiq Anas Abdullah enggau ke bukai.