Ambank deka mungkal program mantu raban SME di nengeri tu

KUCHING: AmBank Group entara bank di Malaysia ke sedia mungkal program mantu orang dagang mit enggau umbas iya (SME) ngemansangka pengawa dagang sida iya, kelimpah ari dibantu ejensi perintah nengeri.

Mandal Presiden AmBank Group (Komunikasi enggau Kaul Media) Engku Ili Ha- nisah madahka AmBank sedia meri jali urung RM500,000.00 ngagai SME mantu raban tu bejalaika pengawa dagang sida iya.

“AmBank Group besedia nyali RM500,000.00 ngagai raban SME bejalaika pengawa dagang sida iya.

“Kami ngarika AmBank Group besedia mantu orang dagang SME, kelimpah ari sida iya nerima bantu bukai ari ijinsi Perintah,” ku Engku Illi madah lebuh dikerandau maya nyamu raban media Kuching, makai lemai di sebuah restoran ditu, malam tadi.

AmBank Group sebedau Kuching bisi ngaga atur pengawa ke sebaka begulai enggau media Sabah, lalu promosyen tu benung dipejalaika di serata menua Malaysia.

Pagi tu, raban AmBank Group ari Kuala Lumpur tu bisi ngaga licha ke urung 140 raban SME di Hotel Waterfront, Kuching.

Entara pekara bekait enggau ngerembaika dagang SME, deka dibantai ulih Di- rektor Besai (MD), AmBank Group, Christopher Yap ke deka bejaku ngagai raban SME, mantu sida iya meri penemu pasal lun ke ulih di injau ari AmBank, kelimpah ari ngajar raban tu ngaga akaun sida iya nyengkaum meri licha pasal Pemansang Dagang SME di Sarawak (SME Outlook in Sarawak).