Penanggul ditapi peranak ba Batu 15, Jalai oya deka teputar
SIBU: Tim Parti Sa’ati Rayat Sarawak (SUPP)/Barisan Nasional (BN) P.211 Lanang apin lama ke udah bisi ngatur pogram nemuai ngagai rimah panjai ba konstituensi Parlimen Lanang dikena nempa kaul enggau rayat sereta beratika pekara ti patut diadu.
Penemuai nya diuluka chalun bepenau SUPP/BN ungkup penuduk Parlimen Lanang Kelvin Kong.
Entara rumah panjai ke bisi diabas iya nya Rumah Anatha sereta Rumah Majang ba sitak Sengan enggau Rumah Ricky serta Rh Anggau di Batu 15, Jalai Oya.
Nitihku Kelvin, bala peranak menua nya bisi ngenataika isu bekaul enggau arus telekomunikasi ke chukup apas taja rumah panjai sida semua beberapa kilometer ari pasar Sibu.
“Udah nya peranak Rumah Anggau minta saup kami ngaduka pinta bekal karan enggau ai laban rumah panjai sida semina urung tujuh kilometer ari perengka bekal kuasa karan ke bisi diatu.
“Tim kitai bebendar deka beratika pekara tu lalu nyaup naka ke ulih dikereja enggau piak bekaul iya nya nirika siti agi tiang telekomunikasi ba endur besemak,” ku iya madah ditu, kemari.
Kelimpah nya, ku Kelvin, sida deka mantu minta bekal kuasa karang nengah Skim Karan Menua Pesisir ( RES) ungkup Rumah Anggau.
“Penemuai kami disambut sida serumah enggau penuh basa.
“Kami datai laban deka mantu sereta mutar penangguk ke ditapi rauat, nya ke beguna amat,” ku terang iya.
Bela bisi datai nyempulang pejalai Kelvin iya nya Ketua Unit Bumiputera SUPP Pampang Dudong Kaunselor Ladong Engkol, Kaunselor Frederick Taip, Penghulu Paing Tawi, Sekretari SUPP Pampang Dudong Kong Sing Ping sereta kaban SUPP ke bukai.