Pedagang bumiputera patut ngaul diri ba pengawa dagang komersial
Guna PPP ke bisi disedia perintah dikena ngerembaika produk dagang kita
LAWAS: Raban pedagang bumiputera diperansang ngaul diri ba dagang komersial kelimpah beambi ulih ari pemisi Palan Penugung Produk (PPP) ke bisi disedia perintah alai nyual produk ari menua tu.
Sapit Kepala Menteri, Datuk Amar Haji Awang Tengah Ali Hasan madah, PPP ke digaga beungkus RM5 juta di Lawas siti ari tiga PPP di Sarawak, sebengkah pengawa dikena perintah mantu bala pedagang ngerembaika dagang sida.
Ku iya, Sarawak ngembuan mayuh pemisi ke ulih laku ba renggat dunya nyengkaul buah ruan, sereta mayuh agi produk bukai baka ikan tahai, belachan bintulu, tebaloi, ambuyat, gula apong, kraf jari enggau mayuh agi ke bukai.
“Perintah meransang pedagang ngaul diri ba dagang bidang dagang komersial.
“Pengawa tu begunaka pemisi ke mayuh awakka ulih dijual ngagai renggat dunya nengah E- Dagang sereta ngagai PPP ba menua luar nyengkaum Korea enggau China,” ku iya rambau bejadika roadshow Siti Pelilih Menua Siti Industry (SDSI) ba Lawas kemari.
Awang Tengah ke mega Menteri Pemansang Industri enggau Pengawa Dagang ke sereta Menteri Pemansang Mengeri enggau Pengeraja Asal Kedua madah perintah bisi
Pengawa tu begunaka pemisi ke mayuh awakka ulih dijual ngagai renggat dunya nengah E-Dagang sereta ngagai PPP ba menua luar nyengkaum Korea enggau China. Datuk Amar Haji Awang Tengah Ali Hasan Sapit Kepala Menteri Sarawak
numbuhka TERAJU ungkup raban pedagang di menua tu.
“Pedagang bumiputera ke ngembuan penau deka dibantu dikena ngerembaika dagang sida nyadi serikat besai ke mungkur semua sektor, nyengkaum sukut latih enggau pengelandik.
Kelimpah TERAJU mayuh agi ejensi bukai ke bisi nyendiaka latih latih, enggau ajar, sereta servis nyengkaum bank perintah ti nyendiaka jali dikena sida ngerembaika dagang.
Ku iya mega, Sarawak nyadi palan puku besai ba Malaysia.
“Sarawak entara nengeri ke mujur matak mayuh pemeranak puku ari dalam enggau menua luar iya nya ba penuduk tiga nengeri ke pemadu atas ba menua tu.
Pemujur tu meri pangka besai ngagai pemansang Industri Mit enggau Jelan Pemesai (IKS) ba semua sektor,” ku iya.
Ku terang Awang Tengah perintah nemu pemeri ari asil IKS ba serata nengeri tu chukup besai ngagai pemansang ekonomi menua.
“Penyampau untung ngagai menua tu manggai (GTP) 4.5 ngagai lima peratus.
“Tang sektor Dagang Mit enggau Jelan Pemesai (PKS) agi mengkang nyadi pengawa ke pemadu mayuh meri asil ngagai pemansang ekonomi iya nya manggai enam ngagai tujuh peratus,” ku iya.
Iya madah perintah deka terus ngerunding pemansang IKS dalam ngangkatka ekono- mi rayat ari sukut meri bantu belanja, servis nengah ejensi sereta bank perintah, duit jali enti dibanding enggau menua bukai.
Dulu ari nya, Menteri Muda Pemansang Pengawa Dagang enggau Dagang Mit sereta Jelan Pemesai Datuk Naroden Majais madah, Sarawak udah menang 10 kali bejurut ba produk dagang temuai, inap desa, produk kayu enggau kraf jari sekumbang SDSI dipejalai belabuh 2006 ba menua tu.
Pemujur tu ku iya mandangka produk Sarawak bisi kualiti sereta ulih datai ba tikas nasional enggau dunya.
Iya madah program roadsow SDSI ke diatur ba Lawas ulih alai mandangka produk dipilih ari selampur bagi menua nyengkaum ari sitak menua pesisir awakka dijual ngagai makit ke lebih besai.
Berebak enggau nya, ku iya bala pedagang ulih ngerembaika kaul dagang sida, sereta merambu chara dikena ngerembaika makit ari menua pesisir ngagai tikas dunya.
Sama bisi datai bini Awang Tengah Datuk Morliah Datuk Awang Daud, Sapit Menteri Opis Menteri Dagang Dalam Menua, Gerempung Kerejasama enggau Pekara Bebeli Barang (KPDNKK) Datuk Henry Sum Agong, Menteri Muda Ekonomi Menua Pesisir (Ulu Sungai) enggau Pengawa Berikan sereta Menteri Muda Pemansang Industri (Puku & Promosyen) Datuk Julaihi Narawi, ADUN Batu Danau Paulus Palu Gumbang, Residen Limbang Datu Maria Hasman enggau Pemesai Pelilih Lawas Hussaini Hakim.