Dennis: Beri sukung penuh ngagai perintah ke diatu
LONG LAMA: Kaban Kunsil Nengeri Telang Usan, Dennis Ngau komuniti dalam sitak iya majak meri sukung penuh ngagai perintah diatu ke ari baruh iring Menteri Besai, Datuk Seri Najib Tun Razak.
Ku iya, tu dikena nentuka rayat di menua pesisir ulih ng asaika pengidup ti manah belama enggau serrvis ti disediaka perintah ke diatu.
Servis nya nyengkaum meri bantu ngagai orang ke tasah kena penusah ngenyit baka ampuh bah enggau angus.
“Perintah nadai besiping nyendiaka bantu ngagai orang ti beguna,” ku Dennis lebuh bejadi ‘ Majlis Penyerahan Bantuan Wang Ihsan Bagi Mangsa Banjir Yang Tidak Berpindah Daerah Telang Usan 2017’ ba Balai Komuniti Long Lama, ditu kemari.
“Orang ke tasah ampuh bah di menua pesisir Sarawak sama nerima penyampau bantu ke sebaka enggau ke bukai di menua tu,” ku iya.
Ku Dennis, suah sekeda orang lebuh meda ba televisyen,macha ba surat berita enggau ti bantai ba media rama madahka orang ti tasah ke ukai di Sarawak nerima bantu lebih ari perintah. Nya enda amat, ku iya.
“Bantu lebih ke diterima sida ke tasah nya suah agi datai ari baantu korporat enggau kompeni nengah tanggungpen g awa rama korporat ( CSR) ti kasih meda sida ke tasah nya.
“Ditu,kompeni enggau individu ke udah mujurmega bisi mantu rayat kitai,” ku iya.
Ku iya baru, taja pan penyampau bantu ari perintah nya enda mayuh tang dikearap ulih mantu ngelempung tating sida ,” ku iya.
Ba pengerami nya, lebih 600 buah ruang bilik di pelilih Telang Usan nerima bantu RM500 ti disuaka Dennis.
Raung bilik tu ari sekeda rumah panjai di ulu Baram enggau sitak Telang Usan nyengkaum Long Lama, Long Puak, Sungai Dua, Long Bemang, Long Ikang, Long Laput, Long Moh, Klinik Long Bemang, SK Long Bemang, Long Bedian, Long Atip, Long Daloh enggau Long Buang.
Rumah panjai sida tu udah ampuh bah kena bulan September enggau Oktober tu tadi.
Nengah awak nya,Dennis mega ngelalau sida ngaga ripot lengkas ngagai opis pelilih menua tauka opis ke bekaul nyema bisi kes penusah ngenyit baka ampuh bah tauka angus ke nyadi ba kandang menua sida.
Sama bisi ngulu pengerami nya, Chairwoman Gerempung Doh Kayan Telang Usan Temenggong Elizabeth Deng, D.O Telang Usan Baru Tai, Sekretari Politik Kepala Menteri Charles Balan Seling enggau Ketuai Pengatur Servis APM Miri, Sharifah Jeliaha Wan Abdullah.