45 iku nembiak UNIMAS nyereta program ‘Kampung Life’

KUCHING: Bisi 45 iku nembiak Universiti Malaysia Sarawak (UNIMAS) ari mayuh bengkah fakulti apin lama udah nyereta program ‘Kampung Life’ ke diatur Fakulti Kejuruteraan universiti nya nyerumba Minggu Kejuruteraan.

Program pengelama dua hari nya diatur ba Kampung Semadang, Jalan Puncak Borneo sereta pesereta bepeluang diau ba Maasa Jungle Homestay sereta bejalaika mayuh aktiviti baka ngechat jematan gantung ba Kampung nya enggau meresi kandang endur nya.

Direktor Program ‘Kam- pung Life’ Mahathir Mohd Noor madahka nengah program nya nembiak bisi peluang belajarka nilai kerejasama sereta bisi peneleba bejalaika aktiviti volunteer.

“Pesereta mega bulih mayuh peneleba diau ba kandang menua pesisir sereta bisi peluang meda enggau belajarka chara pengidup dia,” ku iya seraya madahka acara sukaneka, zumba enggau aktiviti ‘bbq’ bisi diatur.

Seiku pesereta program nya, Frannesa Frankie madahka nengah program nya pesereta bisi peluang begulai sereta ngempitka kaul enggau bala bakih.

Ketuai Kampung Semadang, Samson Mangang meri terima kasih ngagai raban nembiak UNIMAS nya laban udah milih Kampung nya endur bejalaika program nya.

Ku iya, piak iya ngelaluka penatai nembiak tauka enda ngira organisasyen ti bisi deka ati ngatur program raban bansa enggau tanggungpnegawa rama korporat (CSR) ba Kampung nya.

Sam nyempulang pesereta, Sapit Dekan Fakulti Kejuruteraan UNIMAS Dr Nazeri Abdul Rahman enggau Mohd Azrin Mohd Said ke nyadi penyanding penemu IEMSAFE Unimas. — Bernama