Sebedau tu mayuh orang enda lantang ati bekaul jam kemisi sekula nadai mungkur hari besai nya, ku Manyin
SERIAN: Opis Menteri Pelajar meri pemendar pemisi sekula tengan taun di Sarawak deka berengkah 28 Mei nyentuk ngagai 3 Jun 2018 lalu tau disambung ngagai 23 Jun 2018.
Menteri Pekara Pelajar, Sains enggau Pansik Teknologi Dato Sri Michael Manyin madah surat pemendar ari menteri sentang pekara nya udah diterima kena 28 Nov tu tadi.
“Pengudah Opis Menteri Pelajar mantaika jam pemisi sekula ungkup taun 2018, mayuh orang enda lantang ati ketegal Hari Gawai enggau Pesta Keamatan Sabah enda disengkaum dalam timpuh pemisi nya.
“Ketegal kitai ngenataika bantah ke disempulang eng- gau surat, Opis Menteri Pelajar udah meri pemendar dia timpuh pemisi sekula ungkup Sarawak deka berengkah 28 Mei nyentuk ngagai 3 Jun 2018,” ku iya.
Manyin mansutka jaku nya ba aum pengarang berita pengudah ngulu Aum Deligit Tiga Taun Sekali Parti Pesaka Bumiputera Bersatu (PBB) pampang N.21 Tebedu di Dewan Tayung Langui, Kampung Pichin ditu, kemari.
Ungkup timpuh 4 nyentuk ngagai 8 Jun ku Manyin nambah, sekula tau ngambi pemisi tambah lalu timpuh 5 hari nya deka diganti ba maya bukai.
Iya madah sekula tau ngenataika pinta pemisi tambah nya ngagai Opis Pelajar Pelilih Menua ke besemak.
“Opis Pelajar merambu pemisi tambah nya diganti
Dato Sri Michael Manyin Menteri Pekara Pelajar, Sains enggau Pansik Teknologi
maya 25 Januari, 24 Februari, 24 Mac, 28 April enggau 26 Mei 2018, semua ba minggu keempat tetiap bulan.
“Reti nya pengudah dikemendar, sekula di Sarawak deka pemisi berengkah ari 28 Mei nyentuk ngagai 23 Jun 2018,’ku Manyin seraya madah 11 Jun nyentuk ngagai 24 Jun 2018 sigi timpuh asal pemisi sekula di Malaysia.
Timpuh pemisi tu panjai sereta ngelantangka semua, 1 Jun kitai pemisi lalu nadai isu agi, tandu Manyin.
Aum Deligit Tiga Taun Sekali PBB ungkup N. 21 Tebedu kemari dipenyadi Sapit Kepala Menteri ke mega Sapit Presiden PBB Datuk Amar Douglas Uggah.