SUPP muka kauter nyaup ngisi pom BR1M
KAPIT: Parti Sa’ati Rayat Sarawak (SUPP) Pampang Kapit udah numbuhka kaunter servis di pintu penama Gelanggang Kenyalang, Jalai Tiong Ung Hung ditu, nyaup ngisi pom peminta Bantu Rayat 1Malaysia ( BR1M) di dalam enggau luar menua Kapit ti dipegai Sitak Parlimen Kapit.
Timbal chukup manah, mayuh peminta kelebih agi sida ke tuai ngelawa kaunter nya minta bantu ngisi penerang di.
Parlimen Kapit mungkur menua Pelagus, Bukit Goram enggau Katibas. Sapit Menteri Pemansang Menua Pesisir enggau Kandang Menua Datuk Alexander Nanta Linggi ke nyadi Kaban Parlimen (MP) iya, seraya Kaban Kunsil Nengeri ( ADUN) Pelagus Wilson Nyabong Ijang, ADUN Bukit Goram Jefferson Jamit Unyat enggau ADUN Katibas Datuk Ambrose Blikau Enturan.
Kesemua SUPP Pampang Kapi udah numbuhka tiga kaunter ti nyediaka servis ngagai peminta ngemaruka penerang sereta mega mantu peminta baru ngisi pom.
Bala staf ke gawa datai ari Raban Indu SUPP Pampang Kapit.
Chairman Pampang, Ling Thiam Ing madahka tu sebagi ari projek belalauka komuniti SUPP Pampang Kapit, gawa di menua. Ku iya, kaunter servis buka berengkah ari pukul 8 pagi nyentuk pukul 12 tengahari berengkah ari Hari Dua ngagai Hari Empat, 12 ngagai 14 Disember.
“Tu pengawa ke baru kami mantu rayat ti begunaka bantu ngisi pom peminta sida ba BR1M. Lalu tu sebagi ari projek belalauka komuniti SUPP Pampang Kapit ngagai sida di menua.
“Kaunter servis buka berengkah ari pukul 8 pagi nyentuk pukul 12 tengahari berengkah ari Hari Dua ngagai Hari Empat, 12 ngagai 14 Disember. Dikearap sida ti begunaka bantu teulihka pemaik ari servis kami tu,” ku Ling Thiam Ing.
Sama bisi dipeda ba kauntEr servis iya nya chairman Ling Thiam Ing, sapit chairman Dato Yong Hua Sying, sekre- tari David Wong Hau Ching (Bagi pekara Mandarin) enggau James Ling (ba pekara English), tukang wang Loh Tie Ung, bala kaban komiti Anita Wong Siew Ting, Wong Mee Ing, Wong Siew Kiew, penyanding penemu Penghulu Sia Shui Poh, Lau Tun Ping sereta Chu Tung King.
Sama bisi datai Mandal Chairman PBB Bukit Goram Watson Awan, PBB Kampung Baru Kapit, Jainal Lambong sereta Johnny Lambong.