Sistem kabel dalam tasik deka nyambung Semenanjung Malaysia ngagai Sabah enggau Sarawak: Abang Johari
KUCHING: Telekom Malaysia Berhad (TMB) kemari udah ngelancharka sistem kabel dalam tasik (dasar laut), Sistem Kabel Rakyat 1Malaysia (SKR1M).
Sistem nya mai ‘ trafik komersial’ lalu deka nyambung Semenanjung Malaysia ngagai Sarawak sereta Sabah.
Dilanchar Kepala Menteri Datuk Patinggi Abang Johari Tun Openg, SKR1M asil kerejasama Perintah-Pribit (PPP), iya nya entara TM enggau Perintah nengah Suruhanjaya Komunikasi enggau Multimedia Malaysia (MCMC).
“Sistem kabel dalam tasik nyadi seiti inisiatif perin- tah dikena ngangkat sereta ngemanah servis enggau kualiti bungkur internet di Sarawak.
“Sistem tu deka mai pemaik ngagai rayat, nyengkaum peranak Sarawak ngambi ulih nyaup ngangkatka ikas sosio- ekonomi sida,” ku Abang Johari rambau ngelanchar SKR1M di sebuah hotel ditu.
Ku Abang Johari nambah, sistem nya bisi tiga palan penyangkai di Sarawak iya nya di Kuching, Bintulu enggau Miri.
Iya pechaya nengah SKR1M, rayat Malaysia kelebih agi peranak Sarawak ulih ngasaika gaya idup digital.
“Sistem mega deka nyaup tusun pengawa kitai ti deka ngerembaika ekonomi digital
Sistem kabel dalam tasik nyadi seiti inisiatif perintah dikena ngangkat sereta ngemanah servis enggau kualiti bungkur internet di Sarawak. Datuk Patinggi Abang Johari Tun Openg Kepala Menteri
di nengeri tu,” ku Abang Johari nandu.
SKR1M digaga enggau tuju ngemanah sambung kabel baruh tasik domestik ke diatu entara Semenanjung Malaysia, Sarawak enggau Sabah.
Sistem dikearap ulih nangkup pinta peneras arus internet jemah ila ke alai kabel dalam tasik ke baru tu ba pemanjai 3,800 km ti ngundan kapasiti 4 Terabit sesikin (Tbps).
Kelimpah di Kuching, Bintulu enggau Miri kabel mega sangkai di Kuantan, Mersing enggau Kota Kinabalu.
Bela datai Chairman TM Tan Sri Dr. Sulaiman Mahbob, Sapit CEO TM Datuk Bazlan Othman enggau Ketuai Pemesai Operasyen MCMC Dato Dr Mazlan Ismail.