1,00 iku peranak Seblak Ulu napi penanggul suntuk bekal ai

SARATOK: Bisi 1,000 iku peranak ari sitak Seblak Ulu ke mungkur lebih 10 buah rumah panjai enggau dua buah sekula, napi penanggul suntuk bekal ai kenyau ari pukul 9 pagi ensana, dataika kemari.

Siku ari peranak, Pagau Utik, 52 taun, madahka sida napi penusah laban semina bepanggai ba pemansut ai nya aja, ungkup guna besehari sehari.

“Kami enda nemu nama pekara ke benung nyadi lalu penanggul tu ngujungka pengawa kami tejanggal.

“Penusah tu balat mangka kami, peranak ari rumah panjai di Rantau Sukat, Brayang, ti ditinggang penusah rabat.

“Kenyau ari ensana, kami semina bepanggai ba ai ke ditimbun, tang diatu ai nyau majak kurang lalu bisi sekeda udah abis bekal ai,” ku iya madah ngagai pengarang berita, kemari.

Berindik ari nya ku iya, sida ngarapka raban ngempu tanggungpengawa ulih mutarka penanggul nya enggau jampat.

“Dataika diatu, kami bisi minta raban bekaul nganjung ai ngena tangki, tang ba penusah ke bansa tu, iya semina ulih nampung enda lama.

“Diatu, kitai semina ngarapka penanggul ke nyadi ulih diputar enggau lengkas,” tandu iya.