Tim Pelin Pemansang Sibu 1 udah ngatur program begulai enggau komuniti

SIBU: Tim Pelin Pemansang Sibu 1 ( RS1) udah ngatur dua bengkah program begulai enggau rayat ujung minggu tu tadi, sebengkah di Hin Hua Garden lalu sebengkah da agi di Pasar Grand Height.

Dua bengkah program nya diatur pengelama tiga jam – berengkah ari pukul 9 pagi nyentuk tengahari.

Tim RS1 diuluka Chairman Komiti Servis Komuniti Parti Rakyat Bersatu (UPP) Sibu Dato Andrew Wong. Bela bisi datai Andrew Ting, ke nyadi chalun ditaga ulih menang ba penuduk Lanang maya Pengawa Bepilih Besai Ke-14 (PRU4) tu ila.

Berebak enggau program nya, Tim RS1 udah nyadung pom peminta BR1M 2018, meresa status pengundi ngagai rayat sereta pengawa beperesa pengerai.

Tim nya mega bisi meri penerang pasal pengawa ngambi orang gawa nyadi polis komuniti.

Program betemu enggau rayat tim nya udah tu deka diatur kena 23 Disember di Sungai Merah.

BEPERESA: Pengawa beperesa mata enggau nadai bebayar ngagai komuniti ti bisi datai ngulu program nya.

NGULU PROGRAM: Wong nyadung anak patung ngagai bala nembiak mit ke bisi datai.