Bepun 1 Jan 2018 PERKESO deka bejalaika semua pengawa nengah chara ‘online’
SIBU: Penyampau pengaji ti ngisi bayar ngagai Opis Pengelikun Rama ( PERKESO) nengah portal Automated SOCSO Integrated System (ASSIST) agi mimit.
Menijar PERKESO Sibu Tan Phang Chia madah bepun 1 Jan, 2018 PERKESO deka bejalaika pengawa penuh nengah chara ‘ online’.
Ku iya, pengaji patut ngena portal ungkup semua pengawa ngerejista, ngemaru rikod enggau ngisi bayar ninting bulan.
“Bepun 1 Januari, pengaji patut ngena portal ba pengawa rejista, ngemaru rikod enggau nepu bayar ninting bulan.
“PERKESO nadai agi meri pom jam bayar ninting bulan ( pom 8A) ngagai pengaji baka ngelama tu. Semua atur pengawa dipejalai nengah portal ASSIST PERKESO,” ku iya kilah ensanus.
Nitihku Tan, pengaji bisi udah berejista kenyau 16 November ke udah.
“Pom rejista ulih diambi nengah laman web PERKESO lalu pom ke udah tembu diisi meseti disuak ngagai kaunter pampang PERKESO besemak.
“Pengaji deka nerima e- mel ke ngundan ID Penguna enggau jaku kunchi dikena muka iya baru,” ku iya.
Taja pia penyedar ba raban pengaji ditu bejalaika tanggungpengawa bebayar
PERKESO nadai agi meri pom jam bayar ninting bulan (pom 8A) ngagai pengaji baka ngelama tu. Semua atur pengawa dipejalai nengah portal ASSIST PERKESO. Tan Phang Chia Menijar PERKESO Sibu
penuh nengah chara online agi mimit.
Tan madah, kenyau beberapa minggu ke udah, piak sida bisi nguji ngelawa pengaji ke besemak enggau nyuaka pom rejista.
Kelimpah nya, piak PERKESO mega bisi bulih bantu ari ejensi bekaul nyengkaum piak bank.
“Nyema pengaji napi penanggul sida ulih datai betemu terus enggau kaunter kami endur ngerejiter dara,” ku iya,
Ku iya, pengaji mega ulih betelefon nuju opis Perkeso ditu ngena lumur 084- 213066/ 213067 nyema bisi sebarang pekara deka ditanya.