Nya kebuah diatu benung dipejalaika pengawa ngenuku rintai sida ke bisi nganjung peminta
MIRI: Pengawa ngenuku benung dipejalai ba Pelilih Beluru dikena nentuka semina sida ke nyengala tusah aja ulih nerima bantu RM1,000 sepintu nengah Program Bantuan Rumah (PBR).
Menteri Muda Kaunsil Kandang Menua, Datu Dr Penguang Manggil madah, perintah besai ngemendarka bantu manggai RM4 juta dikena mantu penerima ngemanahka rumah.
Iya madah, bepelasarka rintai ke diterima sebedau tu, bisi orang ke enda patut nerima bantu nadai nguan rumah panjai sereta diau entap ba endur bukai.
“Semina sida ke nyengala diau ba rumah panjai sereta ngembuan rumah panjai ulih nerima bantu tu.”
“Pengawa ngenukuka rintai tu ukai semina ngumpul penerang sida ke bulih bantu, tang agi bisi penerang ke digumpul dikena merambu projek pemansang enggau perengka guna dudi hari,” ku iya madah ngagai media pengudah Pengerami Nyuaka Chek Projek Khas Tuai Dipebasa
Semina sida ke nyengala diau ba rumah panjai sereta ngembuan rumah panjai ulih nerima bantu tu. Datu Dr Penguang Manggil Menteri Muda Kaunsil Kandang Menua
Menteri Besai ungkup sitak Kunsil Nengeri 2017 (Raban Keterubah) ba sebengkah hotel ditu ensanus.
Pengerami nya ditangkan enggau Aum Ngenuku Rintan Rumah Panjai ba Pelilih Beluru, Sitak DUN 76 Marudi begulai enggau Opis Pelilih Beluru sereta sekeda bala tuai raban aja.
Penguang ke mega Kaban Kunsil Nengeri ( ADUN) N76 Marudi madah, Iya udah ngasuh ketuai raban bansa nyengkaum penghulu, pemancha enggau temenggung ngenukuka rintai penerima PBR ke patut ( RM1,000 sepintu).
Nengah aum ke sebaka ngelama tu, bisi 177 buah kampung enggau rumah panjai Iban, 22 buah Kampung Orang Ulu, 7 buah Kampung Melayu enggau lima buah Kampung China ba sitak DUN Marudi.
Ba pengawa nya, Penguang bisi nyuaka chek bayar kepenudi YAB Menteri Besai iya nuaungkupJKKKRh.Benang ak Pilang ( RM27,500), JKKK Rh. Kr. Joben Sigai ( RM25,000), JKKK Rh.James Ugil (RM40,000), JKKK Rh.Arik ak China, Sg. Mallang ( RM25,000), JKKK Rh. Chabu ak Makom, Sg.Liam (RM100,000), JKKK Rh.Labo Abit, Sg. Seputi (RM15,000), JKKK Rh. Seman Ringgie, Bukit Nunuk, Sg. Nat (RM25,000), JKKK Rh. Aji, Sg. Selepin ( RM20,000), JKKK Sg. Entulang ( RM75,000), JKKK Rh.Niga Nyayong, Sg. Nyiro (RM50,000), JKKK Rh.Anthony Kedit, Loagan Manuk (RM10,000), JKKK Henry Gomes, Kg.Mission ( RM50,000), JKKK Rh. Atam ak Jawi, Long Tisam B (RM25,000 ) lalu mungkur penyampau RM487,500.