Servis bisi diketu berindik gaya hari ke enda manah

SIBU: Pejalai ekspres ari Sibu ke Kuching deka ditampung baru berengkah ari pagila (15 Jan) sepengudah diketuka kenyau 10 Jan tu tadi ketegal gaya hari ke enda manah.

Pekara tu dipadahka Opis Sungai- sungai Sarawak (LSS) kelimpah notis pejalai ekspres nya diketuka mega bisi dipandang ba kaunter tikit Penyangkai Ekspress Sibu (TPS) ngelama tu.

Pemantu Kontroler LSS Sibu ( Wilayah II), Hatta Morshidi madah, sebedau tu, pejalai ekspres nya diketuka bepun tasik balat beumbak sereta gaya hari enda manah.

“Tuju kitai ngemeratka pengelikun mensia mayuh sebedau mutuska pekara

Tuju kitai ngemeratka pengelikun mensia mayuh sebedau mutuska pekara nya. Hatta Morshidi Pemantu Kontroler LSS Sibu (Wilayah II)

nya,” pia ku iya maya berandau enggau pengarang berita, kilah ensana.

Dulu agi ari nya iya dipinta nentuka pengamat randau ke dibantai sebelah Facebook ti madahka pejalai ekspres Kuching/ Sibu/ Kuching diketuka enda lama.

Kelimpah ari nya, ba pekara bekaul, Hatta madah, semina dua buah ekspres bejalai ari Kuching ke Sibu jam 8.30 pagi enggau Sibu ke Kuching jam 11.30 pagi.

“Dua buah ekspres tu iya nya Bahagia 1 enggau Bahagia 8,” ku iya sambil madah ekspress dua buah nya ulih mai 178 enggau 208 iku mensia mayuh sekali bejalai.

Bekaul enggau pejalai ekspres ke bukai baka Sibu/ Song/Kapit, ku iya, semua pejalai ekspres nya endang baka selama.

“Mensia mayuh ke deka penemu penerang silik tau betanya ngagai opis LSS nengah lumur 084-316676,” pia ku Hatta madah baru.