NGO ngansak perintah majak mutarka isu tingki
KUCHING: Raban ari gerempung ke ukai dikuasa perintah (NGO) ngansak perintah majakka pengawa mutarka isu orang ke nadai tingki.
Mandangka pemujur nengah siti komiti khas ke ditumbuh, NGO baka ke Sarawak Dayak Iban Association (SADIA), Sarawak For Sarawakians(S4S) enggau Saya Anak Sarawak(SAS) minta isu ke sama ke ditapi sida di Kapit nyentuk ngagai Ulu Baram bela diputar.
Nitihka penerang aktivis S4S Collin Siaw, penyampau pemujur pinta ngulihka tinki ke dibantu NGO sereta diproses Opis Pengerijista Bansa(JPN) udah lama manggai ikas 100 ke alai 23 pinta baru udah dibai ke JPN ba minggu tu.
“Komiti udah ngepunka pengawa enggau mujur. Tajapia, penyampau ke udah mujur nya agi jauh enti dibandingka enggau pemayuh orang ke nadai tinki.
“Tebal agi komiti diatu mutarka isu orang ke diau ba kandang endur ke datai jalai ke enda jauh ari kandang mengeri.
“Tebal agi orang ke nadai tinki diau mendam jauh di menua ulu baka ke di Kapit enggau Ulu baram,’ku Collin.
Iya nambah, sida ke udah dinah lalu bulih tinki ari JPN tebal agi datai Mongkos, Tebedu, Serian enggau Balai Ringin.
Ba sentang 23 iku ke baru ngenataika pom pinta ngagai JPN di Kuching ba minggu tu, Collin madah sida napi bemacham isu ba sentang pekara nya.
“Sekeda nya enda ngembuan surat penerang diri baka ke surat beranak, bala nembiak ke ditinggal apai indai pia aja sereta isu bukai.
“Raban 23 iku tu bisi nya bansa melayu, cina, iban enggau bidayuh ari Balai Ringin, Serian, Muara Tebas, Bintulu enggau Selangau,’ku Collin.
Iya pechaya peng u r a n g b a a t u r penyambung(pengangkut) sereta opis perintah ke kelalu jauh ti begunaka belanja ke besai entara kebuah sekeda orang kelebih agi ke diau jauh di menua ulu enda ngerijista diri ba JPN.
Ngenang kaul ke sama, Aktivis S4S enggau SADIA Peter John minta perintah meratika enggau silik isu bala nembiak ke nadai surat beranak tauka tinki ketegal ti enda dikeibuhka apai indai.
Ku iya, mayuh kes alai nembiak napi pemar ketegal ulah apai indai ti enda kiruh ngerijista sida ba JPN.
“Nembiak tu diukum ketegal ulah apai indai lalu sida enda patut napi penusah tu sepemanjai idup. Penusah ke sama lagi deka ditapi bala anak sida jemah.
“Meseti bisi chara mutarka penusah ke ukai datai ari pengilap sida(nembiak,”ku Peter.
Komiti khas mutarka isu orang nadai tinki bela mungkur raban pemesai ari JPN, Opis Menteri Pengintu Pengelantang, Komuniti, Orang Indu, Ruang Bilik enggau Pemansang Nembiak sereta pemesai ari Opis Menteri Besai nengah embing Datuk Joseph Entulu.