Nembiak, staf SK St Anne Sarikei udah diajar chara napi tasah angus
SARIKEI: Urung 884 iku nembiak sereta 51 iku pengajar enggau 4 staf pemantu ba Sekula Perimari (SK) St Anne Sarikei bisi ngulu Program Fire Drill enggau Licha Pengelikun kemari.
Program tu diatur begulai Balai Bomba enggau Penyah Penusah Sarikei enggau SK St Anne, Sarikei.
Batang tuju program tu diatur dikena nambahka penemu enggau pemereti ba raban nembiak enggau staf sekula bekaul enggau chara pemun nagang penusah angus enggau chara ngelarika diri maya betapi enggau penyadi tasah angus.
Nengah penerang baka tu, iya ulih ngurangka penusah bebadi laban sida udah nemu baka ni chara ngelarika diri nyema betapi enggau penusah baka nya.
Entara aktiviti ke bisi diatur nyerumba program tu iya nya licha pasal angus, latih ngelarika diri maya tasah angus, ngelala perengka bomba enggau latih ngena perengka pengerara api bansa tepung.
Program tu dikemujurka Pemesai Bomba Kanan II, Haron Jenai lalu sama bisi datai iya nya Kepala Pengajar SK St Anne Sarikei, Joseph Wong Tii Ann.