Kelala bida ungkus ngidup kediri enggau ungkus gaya pengidup
MIRI: Peluang dagang chara online diatu nyadi trend lalu patut direbut orang dagang lebih agi raban nembiak dikena nambahka penatai pemisi sekalika gawa mendam tauka nyambil aja.
Ketuai Dewan Muda DUBS Miri, Hafidz Rohani madahka ulah bebelika barang nengah online mega udah nyata majak nambah ba rayat Malaysia.
“Diatu dagang nengah online majak dikerindu iya nya pedagang enggau sida ti meli ngaga transaksyen semina di ujung jari aja lalu tau nambahka penatai pemisi rayat Malaysia,” ku iya ditu kemari.
Aplikasyen dagang baka Lazada, Shopee, Halal Master, enggau PG Mall nyadi medium ngagai pedagang ngelakuka produk sida besai agi.
Tambah mega, raban sida nengah sitipayung.com.my mega enda tinggal ngerebut awak dagang nengah online enggau ngelakuka produk Kek Lapis Sarawak sereta produk ke bukai.
“Ari pengawa ngenegapka dagang Industri Mit enggau Jelan Pemesai (IKS) ti meruan, pedagang tau ngemesaika rentayan dagang sida nadai sekat,” ku iya nerang.
Pia mega ku iya, produk menua tu mega nadai pengurang sereta diterima bala pemeli ari dalam enggau menua luar.
“Pengawa bebelika barang nengah online mega ukai semina enda masau jam enggau pengelalak, tang pengawa tu mega ngemuntangka pedagang enggau pelanggan,” ku iya.
Berebak enggau nya, ku Hafiz ekonomi menua ba penuduk ti manah lalu rayat Malaysia patut pintar ngena memanah ekonomi ke diatu benung jampat ngerembai.
“Antara pengawa ti tau dipejalai iya nya meransang bala temuai menua tu, iya nya peranak kitai empu diperansang nemua dalam menua sereta meli barang menua tu,” ku iya.
Di Miri ditu empu ku iya nyemetak madah, bisi produk dagang temuai ti ulih matak penatai bala temuai ari dalam enggau menua luar kitu.
Perapang terumbu karang baka Luconia, Anemone Garden enggau Atago Maro Wreck di kandang tasik MiriSibuti udah lama matak penatai sida ti rinduka pengawa nyelam/skuba. KUALA LUMPUR: Kemaya hari tu isu ungkus pengidup suah dipegendang nyadi isu besai ke ditapi rakyat, tang agi mayuh enda nemu bisi bida entara ungkus ngidup kediri enggau ungkus gaya pengidup.
Staring ke semina nulis suah nyadaka sebana penusah idup ketegal ungkup ngidupak diri ke majak tinggi, tang sida temegah ngayanka diri ngena kerita import, pekayan mar rega enggau bebelanja besai ba sukut makai ngirup ninting hari.
‘‘Sukat baju ba tubuh diri dulu’ entara rambai jaku ke suah dikena Kepala Menteri Melaka Datuk Seri Idris Haron asil ari peneleba iya ngatur pengidup lebih agi ungkup ngidupka diri ke udah rembus ngagai dunya kereja urung taun 1980 pengudah iya nembuka pelajar ba Amerika Syarikat.
Dia iya madah, gelar injinir ba Kaunsil Letrik Menua (LLN) udah chukup besai maya nya, tang pengidup chukup pedis mih ke ngajar iya meseti landik ngatur belanja ngena gaji RM1,160 sebulan semina chukup dikena belanja diri enggau enggau nupi indai iya.
“Aku suah berundang nurun ngagai palan gawa ngena bas enggau tambang RM3.60 sehari, udah nya pulai ngena bas tumu pukul 6.55 pagi ninting hari, meli semina dua lambar baju kemeja berega RM11.90 siti taja gawa nyadi injinir. Bisi kini diatur raban injinir ngasaika pekara tudiatu tu?
“Aku ukai minta bala sida ke biak diatu nitihka chara aku, tang chukup mih kita belajar chara ngatur belanja enggau manah ngambi enda kena panjuk enggau isu tu, peretika dulu kebendar kitai tu kena panjuk ungkup ngidupka diri tauka ungkup gaya pengidup,” ku tanya iya maya dirandau Bernama.
Iya madah nyema iya jegakjegak ngayanka diri lawa maya terubah gawa nyadi injinir baka terus meli entukar sereta rua enggau belanja, iya tentu deka kena panjuk ngasaika ungkus gaya pengidup ke tinggi.
Nya alai, iya milih ngena belanja nitihka pengulih diri laban pasal ungkup ngidup kediri bisi kaul enggau chara kitai ngatur belanja pengudah nerima batang gaji diri empu.
“Chukup tauka enda chukup belanja nya bepanggai ngagai pemintar sesiku orang ngatur belanja diri empu, nyema iya dikena enggau manah nituihka guna tentu belanja nya chukup lalu nadia ngujungka penanggul ungkus gaya pengidup ke tinggi,” ku iya.
Iya madah penanggul ungkus ngidup kediri deka ayan lebuh sesiku orang nya ngena belanja ngelui ari pengulih iya sereta puntan ngatur belanja ke diguna ngujungka sida kena panjuk ungkus gaya pengidup ke tinggi.
Idris bisi nyeritaka baka pengidup nyadi siku injinir LLN ukai nyadi tiket dikena iya idup baka orang kaya, tang begunaka pengeransing ti enda nemu ngelala pemedis dalam ngatur pengidup awak tau meri penyamai ngagai diri sebilik.
“Kenyau ari mit aku nadai ngasaika bekal elektrik, tambah mega maya keterubah aku gawa ba LLN pan aku agi bedau ulih nyendiaka bekal elektrik ngagai indai aku, asaika baka injinir LLN enda ulih tebelika bekal elektrik ngagau rumah indai diri empu tang tu mih pengasai pengidup ke nyata udah disepi aku maya nya.
“Aku semina ulih ngaduka nya urung taun 1991 maya aku ditikika pangkat nyadi injinir kanan, tang maya nya deka masang wayar elektrik bisi mega penanggul laban tiang rumah nyau repuk, ngai enda mansutka belanja baru. Nyadi semua nya utai diasaika aku lalu ngajar aku meseti bekelimat ngatur belanja enggau manah,” ku iya.
Iya madah enda lama udah nya pengidup iya berubah nyamai agi lalu ulih tebelika sebuah kerita Proton Wira lalu bini iya bepun nyual lampin anak mit dikena nambahka anak belanja.
Iya nyadaka pengasa ati lebuh isu ungkup ngidup kediri nyadi kereban dikena penyakal ngulihka sukung politik ari rayat, laban ku iya enda patut pekara nya digaga nyadika isu laban nya bekaul enggau rayat.
Idris madah isu ungkup ngidup kediri udah dikelikuhka penyakal dikena nyaruka runding rayat sereta ngujungka ketuing runding rayat ngagai ketuai enggau perintah ke ngiring menua jam ke diatu.
Iya madah rega barang endang bisi nurun niki ninting taun lalu nya ukai pekara ke baru, tambah mega utai ditapi rayat ba jeman Menteri BesaiDatuk Seri Najib Tun Razak endang sebaka enggau semua menteri besai ke dulu suba.
“Tu nyengkaum aku empu kala ngasaika indai aku sebaka rega barang niki kenyau ari aku agi mit, tang utai nya uloih dijaga perintah nengah matau rega barang ke diguna ninting hari baka berau, gula, tepung enggau minyak makai.
“Sida (penyakal) nempa isu tu nyadi utai ti kelalu pedis ngambika rayat berunding tating ungkup ngidup kediri ke besai lalu pengujung iya sida deka lenyau pengarap ngagai perintah ke ngiring menua,” ku iya. — Bernama