Tu ngambika timpuh lon ulih diberi panjai sereta ngembuan bayar bulan ke lebih murah, ku Dr Annuar

KUCHING: Rayat di nengeri tu lebih agi sida ke deka meli rumah dilalau ngaga nya maya sida agi biak.

Menteri Muda Pengawa Berumah enggau Pengerai Mensia Mayuh Dr Annuar Rapa’ee madah, tu ngambika timpuh lon sida ulih diberi panjai kelimpah ngembuan bayar bulan ke lebih murah.

“Ba runding aku, dia aku ngelalau ngambika mayuh agi komuniti kitai naka ulih tumu merambu ngiga rumah.

“Tumu reti nya maya umur agi biak laban timpuh lon deka ulih panjai lalu bayar bulan mega enda besai,” ku iya.

Iya madah munyi nya rambau aum pemberita pengudah bejadika

Roadshow Reta Tanah enggau Rumah 2018 diatur Gerempung Pemansang Pengawa Berumah enggau Reta Tanah Sarawak (SHEDA) Pampang Kuching ke bela digulu Chair-

Ba runding aku, dia aku ngelalau ngambika mayuh agi komuniti kitai naka ulih tumu merambu ngiga rumah. Dr Annuar Rapa’ee Menteri Muda Pengawa Berumah enggau Pengerai Mensia Mayuh

man iya Christopher Ngui enggau Penyanding Penemu SHEDA Pampang Kuching Sim Kian Chiok ba sebuah palan bebeli barang ditu, kemari.

Dr Annuar meri chunto, sida ke makai gaji urung RM2,500 sebulan engka ulih meli rumah ke berega RM250,000 ngagai RM260,000.

Ku iya, pemeli nya patut ulih mayar bayar bulan abis nadai RM1,200 sebulan ungkup timpuh 25 taun ke atas.

“Taja pia, nyema sida meli rumah maya umur agi biak, kitai pechaya bayar ninting bulan ulih dikurang ngagai RM700 ngagai RM800 sebulan,” iya.

Iya mada, rega rumah endang enda ulih dikeengai seruran deka niki ketegal mayuh kebuah.

Ku iya, iya bisi dipadah raban pemaju patut mayar ungkus pengereja pengawa, ramu rumah kelimpah tanah ke semak enggau mengeri diatu chukup mar rega.

“Tang, perintah enggau piak bank berebak enggau nya patut bejalaika tanggungpengawa dalam ngurangka rega rumah ngambika iya ba tikas ke ulih dibeli,” ku iya.