SMK Marudi mujur nyapai 80.85 peratus pas ba peresa SPM 2017
MARUDI: Sekula SMK Marudi mujur nyapai 80.85 peratus pas enggau GPA 5.58 peratus dalam peresa Sijl Pelajaran Malaysia (SPM) 2017, alai 235 ari 242 nembiak ngambi peresa nya.
Ba pemujur pemutus peresa nya, dua iku nembiak, Moh Ling Zhen enggau Flora Chang Hen Ying bulih 9A/1B, empat iku nembiak,Nurul Iszah Hamsah,Benny Tie Hou San, King Yii Xing, enggau Tie Mei Sing bulih 8A/2B.
Nembiak bukai, Owen Lusat Sigau bulih 6A/ 1B, Evangelina Felicia Unggang (6A/2B/1C), Nur Shayswanin Fadel Sukri (5A/3B), Johnny Entulu Nani ( 5A/ 1B/ 1C), Stephanie Hwong Sing Siu ( 6A/ 2C/ 1D), enggau Lio Mei Jing ( 5A/ 3B/ 1C/ 1D) sereta Benath Jerry Larry (5A/2B/1C/1E).
Ba peresa Sijil Tinggi Pelajaran Malaysia (STPM)2017, nembiak ke pengabis nyulut, iya nya Veronica Sapok Kalang ke bulih GPA 3.67, Albert Unyut Lenggan (3.50) , Rosemary Bungan (3.54), Angela Jaing (3.42), Noffie Johnny (3.30)enggau Huang Qi Shen (3.17).
Ba atur pengawa meri pemutus peresa nya ensana, Kepala Pengajar sekula, Maria Jau ba jaku iya meri puji ngagai nembiak sekula nya ke udah mujur ngambi peresa SPM enggau STPM.
“Jaku puji tu ke semua kita (nembiak ke udah nembuka peresa SPM enggau STPM), baik kita ke landik dalam akademik tauka kokurikulum, pemutus peresa ke manah bansa tu ngamatka pemerat apai indai enggau nembiak sekula tu empu ke udah mujur nembuka Pom 5 enggau Pom 6.
“Pemujur tu mega mesti dipajakka ngulihka penemu sereta pengelandik baka ke udah diperambuka ulih Opis Pelajar lalu nambah enggau nya, rebak baru baka kediatu, kita nya meh ke deka nyadi ketuai lalu tu ngipak nembiak sekula SMK Marudi, ke landik ngena mayuh macham jaku kelimpah ari Jaku English enggau Bahasa Malaysia,” ku iya.
Iya nandu baru madahka taja pan SMK Marudi nyapai pemujur peresa ke umbas iya, tauka bisi sekeda nembiak ke enda mujur tang peneleba tu nyadi peransang sereta pen- egap sekula nya.
“Aku pechaya SMK Marudi deka majakka pemujur tu nyengkaum peransang ari apai indai,” ku iya.
Setipikit pemujur nya ke- mari disua ulih pengari ari Opis Pelajar, Baram, Wan Omar Wan Hassim.