Dikena nentu juluk nya dijapai, raban pengawa bepilih bagi Nembiak BN Nengeri deka dilanchar kena 26 Mac tu
KUCHING: Bagi Nembiak Barisan Nasional (BN) Nengeri deka nentuka BN menang besai ba Pengawa bepilih Besai Ke-14 (PRU14).
Sapit Ketuai Bagi Nembiak BN, Fazzrudin Abdul Rahman madahka kaban dalam gempung nya diatu udah chukup sedia napi PRU14 ti udah majak semak diatu.
“Bagi nembiak tetiap parti dalam gempung BN Nengeri udah sedia lalu semina nganti maya parlimen direrak aja.
“Kitai deka mantu sereta nentuka BN menang besai ba pengawa bepilih serak tu,”ku Fazzrudin.
Iya mansutka jaku nya ngagai pengarang berita pengudah nyuaka geran nint-
Bagi nembiak tetiap parti dalam gempung BN Nengeri udah sedia lalu semina nganti maya parlimen direrak aja. Fazzrudin Abdul Rahman Sapit Ketuai Bagi Nembiak BN
ing taun ngagai sekula dalam kandang Kunsil Nengeri ( DUN) Tupong di Balai Mayuhguna SMK Petra Jaya ditu, kemari.
Penyampau RM193,000 geran diberi ngagai 25 sekula ke nyengkaum 10 sekula sekondari enggau 15 sekula primari.
Dikena nentu juluk Bagi Nembiak nya dijapai, Fazzrudin ke mega ADUN Tupong madah raban pengawa bepi- lih bagi Nembiak Barisan Nasional (BN) Nengeri deka dilanchar kena 26 Mac tu di Kuching.
Ku iya, pengawa nya ila deka dipenyadi Kepala Menteri ke nyadi Chairman BN Nengeri Datuk Patinggi Abang Johari Tun Openg.
Ngenang sentang pengundi di N6. Tupong, Fazzrudin pechaya sida deka nentuka BN ti diarika Menteri Kereja Raya Dato Sri Fadillah Yusuf sekali agi menang besai di Parlimen Petra Jaya.
“Ba pengawa bepilih besai ke udah, 73 peratus pengundi nurun ngundi. Majoriti maya nya lebih 6,000 undi, iya nya ari Tupong aja.
“Tang maya nya penyampau pengundi di Tupong semina 20,000 aja. Diatu pengundi udah manggai 23,000 di parlimen Petra Jaya.
‘Rayat kitai chukup arap enggau servis ke diberi Fadillah di Petra Jaya,’ku iya.