DAP, PKR Sri Aman nadai besengki penemu
KUCHING: Pampang Nembiak DAP Sri Aman nyangkal penemu ti madahka parti nya enggau PKR ke sama dalam gempung Pakatan Harapan Sri Aman bisi charut ketegal enda setuju enggau chalun ke deka bediri minta pilih ba sitak parlimen Sri Aman.
Ketuai Nembiak, ku Alexander Frusis penemu ti madahka kaul entara kededua parti nya ‘chelap’ semina berita selebubu ngapa ti ditempa raban politik bukai ti besemekih enggau sida, berindik ari PRU14 ke deka diatur enda lama agi.
“Kami n yangkal berita selebubu ti dikerembai di Sri Aman, ke nguji nyabung laya entara DAP enggau PKR ti madahka sida deka mantah chalun ti dipilih Pakatan Harapan ari PKR.
“Kami Pampang Nembiak DAP Sri Aman meri sukung penuh ngagai chalun ke udah dipilih Pakatan Harapan ba kerusi. Kami DAP deka mantu chalun kelebih agi ti bediri minta pilih ba pelilih selatan Sarawak,” ku iya ensanus.
PKR dipelaba nyabung chalun di Sri Aman ba PRU14 tu, bepelasarka pemereti ati dalam Pakatan Harapan Sarawak ti ngetanka ‘status quo’ ba penuduk ti diungkup entara DAP enggau PKR kenyau ari PRU13 lalu Amanah ngambi kerusi ke endur PAS minta pilih.
Ba PRU13, PKR udah nudukka siku aktivis Ni- cholas Mujah di Sri Aman lalu DAP udah enchalunka ketuai pampang Sri Aman, Leon Jimat Donald. Taja pia, Masir Kujat ngarika (BNPRS) udah menang majoriti 6,550 undi ti diperebutka nengah empat penyuru.
Berebak enggau nya, Alexander ke mega sekretari pub- lisiti DAP Sri Aman madahka Leon mengkang enggau parti taja pan diatu iya dipeda bisi kurang publisiti.
“Iya semina ngetu enda lama berindik ari pemidang niang apai iya niang Jimmy Donald. Iya agi enggau DAP sereta Pakatan Harapan,” ku Alexander.