Anang nyebut PRU14 tu enda beguna ngagai nengeri Sarawak
SIBU: Pemujur Barisan Nasional (BN) nengeri tu bulih majoriti besai ba Pengawa Bepilih Besai Ke14 (PRU14) ti deka datai beguna amat dikena ngelantangka agi pengawa ngambi pulai hak ba Sempekat Malaysia 1963 (MA63).
Mandal Presiden Parti Pesaka Bumiputera (PBB) Sayap Bumiputera Dr Annuar Rapa’ee madah, diatu perintah benung mulaika baru hak nya lalu Menteri Besai mega bela udah besetuju.
“Kitai enda tau nyebut PRU14 tu enda beguna ngagai nengeri Sarawak.
“Laban tu mih awak dikena kitai nyukung perintah BN ngambika kitai bisi pengari ti mayuh sereta kering lalu tampak dipending mantaika jaku ba Parlimen ngambi pulai hak MA63 baik nya sengaja tauka enda hak nya lenyau ari sempekat sebedau tu,” pia ku iya maya bejaku ba Pengerami Nutup Program Sijil Tadbir Urus Desa INFRA-UniKL Zon Sarawak, Fasa 3 ba sebengkah hotel ditu, kemari.
Iya maya tu ngarika Sapit Kepala Menteri Datuk Amar Douglas Uggah Embas.
Sama bela datai maya tu iya nya Kaban Kunsil Nengeri ( ADUN) Dudong Datuk Tiong Thai King, ADUN Bukit Goram Jefferson Jamit, ADUN Pelagus Wilson Nyabong, Ketuai Sekretari Opis Menteri Pemansang Menua Pesisir enggau Kandang Menua (KKLW) Datuk Borhan Dollah enggau Direkter Institur Kemajuan Desa (INFRA) Dato Rubiyah Abdul Rahman.
Program ke diatur berengkah 22 nyentuk 24 Mach (kemari) nya digulu 456 iku penyereta ari Komiti Pengelikun enggau Pemansang Genturung Menua (JKKK) enggau bala tuai raban bansa sereta tuai rumah ari Kapit, Song enggau Bukit Mabong.
Nambahka jaku iya, iya ti mega Menteri Pemansik Sains enggau Teknologi madah, ba PRU14 tu, BN naka ulih me-
Laban tu mih awak dikena kitai nyukung perintah BN ngambika kitai bisi pengari ti mayuh sereta kering lalu tampak dipending mantaika jaku ba Parlimen ngambi pulai hak MA63 baik nya sengaja tauka enda hak nya lenyau ari sempekat sebedau tu. Dr Annuar Rapa’ee Mandal Presiden PBB Sayap Bumiputera
nang abis nadai 29 iti penuduk Parlimen tauka lebih agi.
Ku iya, naka ke diatu, BN megai 25 iti penuduk ari 31 iti penuduk lalu semua penuduk nya mega meseti ditanka.
“Ba PRU14 tu, kitai meseti ngerampas empat iti penuduk iya nya Stampin, Sarikei, Sibu enggau Miri.
“Juluk ati kitai tu ulih dipenyadi nyema bisi kerejasama ke manah enggau pangan diri lebih agi kerejasama ari Tuai Raban Bansa tauka bala Tuai Rumah iya ke semak agi begulai enggau pengundi,” ku iya madah baru.
Iya madah, maya PRU14 tu tuai raban bansa enggau tuai rumah ngembuan tanggungpengawa nentuka peranak sida datai nurun ngundi.
Ku iya, undi tu beguna dikena nyaup ngemanahka agi kaul perintah nengeri enggau perintah besai laban enti nadai kaul ke manah peminta rayat deka tusah dipenyadika.
“Reti pengawa nyadi tuai raban bansa enggau tuai rumah tu besai bendar lalu sida mega nyadika orang ti ngeringka penyerakup mensia mayuh ke dipegai.
“Kelimpah ari nya, sida mega megai tanggungpengawa nerang sereta madah nama pengawa ke digaga perintah nyengkaum pe- mansang ba menua pesisir lalu patut disukung semua rayat,” pia ku iya ti mega ADUN Nangka.
Ba pekara pelajar, Annuar madahka tikas Bumiputera ngemeratka pelajar agi kurang enti dibida enggau raban bansa China.
“Laban ngemeratka pemujur pelajar, perintah udah ngungkupka agih RM1 billion dikena ngemanahka sekula ke udah jai ba menua tu.
“Tang enti apai indai enda tentuka ngemeratka pemujur pelajar anak pengeransing perintah tu enda pulaika penguntung ngagai kitai.
“Pelajar beguna amat dikena ngubah pengidup ngambika meruan agi dudi hari,” ku iya madah.
Program Sijil Tadbir Urus Desa tu siti program ari KKLW dikena meri latih ngagai penyereta sentang pengawa nyungkakka agi tikas pengelandik megai peranak.
Kenyau ke udah dipenyadi ari taun 2017 nyentuk Mach 2018, sepenyampau 1,542 iku penyereta ari JKKK enggau tuai raban bansa di nengeri Sarawak udah dilatih ba program tu.