Program ‘Juh Nambah Penemu’ 2018 deka diatur berengkah 26 nyentuk 29 Mac

KUCHING: Pustaka Nengeri Sarawak deka ngatur program ‘Juh Nambah Penemu 2018’ berengkah 26 ngagai 29 Mac tu ba sekeda librari mensia mayuh enggau genturung pendiau iya nya ba Kuching, kota Samarahan, Lubok Antu, Betong, Sibu enggau Mukah.

Entara aktiviti ke diatur nyerumba program tu iya nya program ‘Ilmu di Hujung Jari’ ungkup warga emas, sesi Bacaab Kegemaran Saya, ‘E-Storytelling: Imagine a Butterfly’, ‘The Art of Craft’, MakeyMakey ungkup anak mit, aktiviti Makerspace baka 3D Printing, 3Doodler ungkup raban biak enggau nembiak sekula sekondari.

Tuju program diatur dikena ngelakuka Pustaka Sibu ti deka dibuka ba taun 2019 kelimpah ari nempa raban bansa ti ngemeranka tiap hari penemu ke beguna.

Nambahka nya dikena ngelakuka penemu engau penau dalam nempa raban bansa ti nemu penerang enggau bepenemu tinggi lebih agi bekaul enggau teknologi pemadu tinggi.

Kena 26 Mac tu, program ‘Juh Nambah Ilmu’ deka diatur ba Librari Mensia Mayuh Kaunsil Mengeri Kota Samarahan enggau Librari Mensia Mayuh Kota Padawan, lalu 27 Mac ba Librari Mensia Mayuh Engkilili, Librari Mensia Mayuh Lubok Antu, Librari Genturung Pendiau Kampung Tengah Pusa enggau Librari Mensia Mayuh Pusa.

Nambahka nya kena 28 Mac tu, diatur ba Sibu Librari Menisa Mayuh Pampang Lanang (Grand Heights), Librari Genturung Pendiau Teku, Librari Mensia Mayuh Sukun enggau Librari Mensia Mayuh Durin sereta kena 29 Mac ba Perpustakaan Desa Kampung The, Librari Mensia Mayuh Mukah, Librari Mensia Mayuh Dalat enggau Librari Genturung Pendiau Oya.

Orang mayuh ke diau semak enggau perpustakaan nya diperansang sampal datai sereta masuk program ke bisi diatur, program dipasuk enggau enda bebayar.

Maya nya mega mensia mayuh dilalau sereta dipinta ngerejista diri nyadi kaban pustaka enggau enda bebayar.

Program ’ Juh Nambah Ilmu’ ti keterubah udah mujur diatur kena 24 ngagai 29 Julai 2017 ba sekeda palan librari mensia mayuh enggau librari genturung pendiau ba Sri Aman, Betong enggau Sibu ti dipasuk 731 iku pesereta.

Penerang silik pasal pro- gram tau ditanya ngagai Dayang Najwa Hazwani tauka Siti Zalilah Abang Zaidi ba lumur 082-442000 samb 339/338 enggau emel najwa@sarawak.gov.my / sitizz@sarawak.gov.my tauka layari laman web Pustaka www.pustaka-sarawak.com tauka Facebook Pustaka: www. facebook. com/ pustaka.sarawak tauka twitter : Pustakaswk tauka Instagram pustakaswk.