Rayat kelebih agi di menua ulu meseti nemu konsep, kuing politik
LONG BEDIAN (Baram): Peranak menua ulu Baram udah dilalau ngambi ngelala konsep sereta kuing pejalai politik.
Kaban Kunsil Nengeri (ADUN) Telang Usan Dennis Ngau lebuh pengawa nutup Seminar Ngenegapka Kuasa Raban Indu diatur Parti Pesaka Bumiputera Bersatu (PBB) Pampang Apoh madah anang berundingka politik tu nyadi pelasar nyadi ‘orang bukai’ tauka ‘orang ti dipebasa’ antara bala komuniti.
“Anang bisi runding politik tu nyadi pelasar dikena beambi ulih ungkup penguntung diri,” ku iya.
Ku Dennis madah, iya minta bala komuniti ngembuan runding tebuka, mayuh pekara dalam politik. Politik ti betul iya nya pelasar mai kaul rayat semak enggau perintah lalu perintah ngagai rayat.
“Nengah seminar tu, kitai (PBB) mai ejensi perintah enggau gempung ti ngembuan tanggungpengawa, servis enggau bantu berengkah ari pengawa betanam betupi nyentukka pengawa pengelantang pendiau mantu sida ba mayuh bengkah pekara.
“Nengah seminar tu, kitai (PBB) mai ejensi perintah enggau gempung ngatur tanggungpengawa sida, servis enggau bantu ke bisi ba mayuh bengkah pekara berengkah ari pengawa betanam betupi ngagai pengelantang.
“Agi tubah sida enda nemu kini deka dituju tauka deka betanya ngagai sapa dikena minta bantu ari perintah,” ku iya nambah.
Ku iya, nengah program enggau pengawa bansa tu, bala pemesai enggau staf ari ejensi deka nemu sereta meretika peminta enggau penanggul ditapi rayat.
Nengah penerang enggau penemu, ADUN pechaya sereta andal deka ulih mai ubah ekonomi rama enggau pemansang ngagai bala komuniti di menua ulu.
Ba pekara tu, iya ngansak bala komuniti anang tinggal peluang ngulu aktiviti enggau program bansa nya.
Pengawa pengawa bejadi nya, Dennis disempulang penyandang Anyi Ngau nyuaka pemeri kerusi roda ngagai Uvang Ing, 90 taun. Dennis nyuaka kerusi roda ngarika Menteri Besai Datuk Seri Najib Tun Razak di baruh program ‘Sumbang Kasih’.