Wang turu tau dipasuk nengah ‘Jiwa Borneo’ ngambika chalun PBDS Baru ulih bediri minta pilih maya Pengawa Bepilih Besai ke-14
KUCHING: Palan Dayak Nation Institute ( DANI) minta mensia mayuh mantu sida ari sukut belanja ti dipasuk diberi ngena nama wang turu ‘ Jiwa Borneo’ dikena mayar chalun Parti Bansa Dayak Sarawak Baru ( PBDSB) ke deka bediri maya Pengawa Bepilih Besai ke-14 (PRU14)tu.
Chairman palan nya, Rapelson Richard madah wang turu nya beguna endar dikena nganjung anak Dayak ngarika raban Dayak ke Parlimen.
“Kami minta sereta arapka komuniti sereta NGO Dayak ke bukai berakup dalam Agenda Nyerakupka Dayak nengah parti penyakal menua, Dayak Sarawak ke kala mati lalu diidupka baru lalu anang sesekali melakangka pengawa ke ditegika bansa Dayak,” ku iya.
Iya bejaku munyi nya ba aum pengarang berita di sebengkah hotel ditu, kemari ke bela digulu Presiden PBDS Baru, Cobbold John sereta kaban ke bukai.
Lebuh nerangka pekara nya, iya madah, pengawa ngumpul wang turu nya mega digaga laban DANI enggau pengabis ati nyukung manifesto PBDS Baru ke betatika ngena leka jaku ‘Dayak’ nyadi ‘Bansa Dayak’ kena nganti leka jaku ‘lain-lain’ tauka ‘Bumiputera’ dalam pom di Malaysia, ngujungka Dayak tau dibasa di renggat nasional enggau entarabansa.
Iya mega nyamin wang turu ke ulih nengah nya ila, enda dipasuk ke dalam akaun chalun PBDS Baru, kena nyeliahka wang turu nya salah kena ungkup pemaik diri empu.
DANI sebuah konsultan Gerempung Ukai Dikuasa Perintah (NGO) ke regas bejalaika pengawa meri penemu pasal Tanah Hak Adat Dayak ari Sematan datai ke Miri.
Iya mega sebuah NGO ke bepelasarka komuniti sereta
Kami minta sereta arapka komuniti sereta NGO Dayak ke bukai berakup dalam Agenda Nyerakupka Dayak nengah parti penyakal menua, Dayak Sarawak ke kala mati lalu diidupka baru lalu anang sesekali melakangka pengawa ke ditegika bansa Dayak. Rapelson Richard Chairman DANI
regas bejalaika program sereta konsultansi ngenegapka komuniti kelebih agi komuniti Dayak.