PBB, komponen bukai bebasaka pekara nya laban ari suba penuduk nya diempu PDP
KUCHING: Raban pengaji ba pengawa industri diperansang ngambi peranak nengeri tu gawa ba gudang sida.
Sapit Kepala Menteri Datuk Amar Awang Tengah Ali Hassan madah pengereja pengawa peranak Sarawak ngembuan pengelandik sereta mudah dilatih.
“Pekara tu nyata dipeda ba Taman Teknologi Tinggi Sama Jaya ke alai 10, 800 iku tauka 98 peratus ari pengereja pengawa ba endur nya peranak Sarawak.
“Aku ngarap raban pengaji seruran beratka pengereja pengawa nengeri tu,”ku iya rambau bejadi Licha ‘Malaysia Productivity Blueprint’ ungkup pengawa gudang di Palan Aum Borneo Kuching (BCCK) ditu, kemari.
Awang Tengah ke mega Menteri Pemansang Industri enggau Dagang madah Perintah Nengeri deka numbuhka mayuh agi institut pematih di nengeri tu.
Ku iya, CENTEXS enggau palan pematih indutsri deka nentuka modal mensia di nengeri tu ulih nangkup pinta pengawa puang ba industri.
Ngenang kaul bukai iya netapka pengawa industri di Sarawak enda ulih nyeliah ari nguna teknologi robot sereta automasyen.
“Ngembuan teknologi tu ulih nyaup tetiap kompeni besemekih ba pengawa industri ke majak mar ke alai semua keran deka nambah asil.
“Atur tu seraris enggau juluk Perintah Sarawak ti deka nyingkang ngagai industri 4.0 lalu ngenegap ekonomi nengeri,’ku iya.
Sekeda kompeni teknologi tinggi baka ke LONGi enggau X- Fab di Sama Jaya nguna digital teknologi lalu ngerintis jalai nuju industri 4.0,tandu Awang Tengah. KUCHING: Sekretari Besai Barisan Nasional ( BN) Datuk Alexander Nanta Linggi meri jamin penuduk sitak parlimen Saratok mengkang ungkup Parti Progresif Demokratik (PDP).
Ku iya, ketegal Saratok nyadi penuduk tradisional PDP, parti bukai dalam gempung BN baka PBB deka bebasaka pekara nya.
“Baka ke ditemu kitai, penuduk Saratok sigi ungkup PDP ketegal nya udah nyadi penuduk tradisional parti.
“Kitai(PBB) ke nyadi kaling dalam BN, enda deka ngambi penuduk nya seagi PDP mengkang dalam gempung BN,” ku iya lebuh dikerandau kemari.
Iya madah PBB deka terus ngenanka pekara nya pia ketegal chara nya ulih nen- tuka BN menang mayuh agi penuduk ba Pengawa Bepilih Besai Ke-14(PRU14).
Isu di Saratok majak dikejaku sereta ngasuh PDP enda berasai lantang pengudah penyandang sitak nya Tan Sri William Mawan madah diri udah nyereta PBB.
Lebuh ditanya sekalika Mawan agi nyadi chalun ba PRU14, Nanta ke mega Sekretari Besai PBB madah isu chalun diputuska kededua Kepala Menteri Datuk Patinggi Abang Johari Tun Openg enggau Menteri Besai Datuk Seri Najib Tun Razak.
Pengudah isu di Saratok diputar, BN diatu deka mutarka isu agih penuduk entara SUPP enggau UPP sebedau mantaika rintai nama chalun.
Rambau ke betemu enggau Menteri Besai kena Hari Satu tu tadi, Nanta ke mega penyandang parlimen Kapit enggau Sapit Menteri Pemansang Menua Peisir engau Kandang Menua, madahka Najib ba pengawa nya meri basa enggau terima kasih ngagai semua kaban parlimen BN lalu minta semua sida mengkang talukka BN tajapan enda diasuh bediri agi ba PRU14.
“Penuduk nya ukai diem- pu seseiku orang tang ke amat diempu BN. Jaku ajar iya( Najib) nya sigi amat lalu patut dipending,” ku Nanta.
Presiden PDP Datuk Seri Tiong King Sing lebuh dikerandau madah ngelaluka komitmen BN Nengeri ke alai penuduk parlimen Saratok mengkang diempu parti iya.
“Tu mandangka Kepala Menteri Datuk Patinggi Abang Johari Tun Openg siku ketuai ke bisi prinsipal.
“Kitai ba PDP ngelaluka runding iya nya lalu nya mandangka bisi sempekat enggau atur bekunsi kuasa dalam BN,’ku Tiong.
Iya madah isu Saratok tau nyadi teladan laban BN jauh besai ari parti bukai dalam gempung nya.
Kitai (PBB) ke nyadi kaling dalam BN, enda deka ngambi penuduk nya seagi PDP mengkang dalam gempung BN. Datuk Alexander Nanta Linggi Sekretari Besai Barisan Nasional