Tu pelasar ngagai servis logistik ngambika efektif sereta efisyen agi ungkup aktiviti kompeni minyak enggau gis di Sarawak
KUCHING: Palan Mekal Bersepadu ti bepalan ba Endur Kedua Penyangkai Kapal, Penyangkai kapal Bintulu deka nyadi ‘one-stop’ palan sukung logistik dikena napi peminta guna aktiviti matau, pemansang sereta produk minyak enggau gis ba luar pantai Sarawak.
Kepala Menteri Datuk Patinggi Abang Johari Tun Openg madahka nya deka nyendiaka pelasar tegap ngagai servis logistik ti efektif enggau efisyen ungkup aktiviti pengemun enggau ke bukai ti dipejalaika kompeni minyak enggau gis ba pentas benua tebing pantai Sarawak, endur pemansut pertroleum enggau gis ti berega.
Beduduk ari pekara nya iya madahka pengawa nyain sempekat suwa tanah ti dipejalaika entara Bintulu Supply Base (BSB) enggau Bintulu Port Authority (BPA) ke tuju nya
Aku arap bendar ngena kereban baru, industri minyak enggau gis deka mai penumbuh ngagai sektor tu sereta mai penguntung ekonomi ngagai rayat sereta mantu penumbuh ekonomi menua. Datuk Patinggi Abang Johari Tun Openg Kepala Menteri
endang pemansang ti beguna amat dalam strategi minyak enggau gis Sarawak.
“Aku arap bendar ngena kereban baru, industri minyak enggau gis deka mai penumbuh ngagai sektor tu sereta mai penguntung ekonomi ngagai rayat sereta mantu penumbuh ekonomi menua.
“Aku ngelaluka inisiatif pemeranak puku ari sektor peribit sereta meri puji ngagai perintah nengeri ti mai ubah ekonomi nengeri nuju ngagai tikas baru penumbuh ekonomi enggau pengelantang ti tegap,” ku iya.
Abang Johari mansutka pekara nya lebuh bejaku ba pengawa Nyain Sempekat Suwa entara BSB enggau BPA ti deka ngemansangka Integrated Supply Base di Bintulu, ke diatur ba sebuah hotel ditu, kemari.
Ba pengerami nya abang Johari ngemataka pengawa nyain sempekat nya, BSB diarika Chairman iya Ahmadi Yusoff enggau Direkor BSB DatukAhmad Redza Abdul- lah, lalu BPA diarika Menijar besai Zukarnain Ayub enggau Hadzari.
Palan Mekal nya deka nangkup peminta guna industri minyak enggau gis luar pantai Sarawak sereta tagit deka berengkah operasyen komersial iya nya suku keempat taun 2019.
Nitih ku Chairman BPA, Hadzari Abang madahka BSB nya aset enggau infarstruktur startegik ti nyukung penumbuh industri minyak enggau gis ba Sarawak.
“Penambah kereban tu ba Bintulu Port deka meri empas positif ngagai ekonomi peranak menua tu nengah penumbuh dagang, nempa kapasiti ti lebih besai ari segi peluang gawa enggau ngangkatka pengereja pengawa bepengelandik dalam minyak enggau gis,” ku iya dalam penerang berita.
Bisi datai ba pengerami nya Ketuai Pemesai Eksekutif Regional Corridor Development Authority (RECODA) Datu Ismawi Ismuni enggau ke bukai.