SPR Sarawak nagit narit 70-80 peratus orang nurun ngundi
KUCHING: Bisi 30 iku raban nembiak enggau ke bisi potensyel nyadi kontraktor ngulu program empat hari Kus Ngatur Pengawa Dagang Ungkup Kunteriktor ti diatur Balai Dagang enggau Industri Dayak (DCCI) ba Telang Usang Hotel Kuching berengkah 18 ngagai 20 April.
Raban kunteriktor nya datai ari Kuching, Simunjan, Samarahan, Puncak Borneo enggau Daro.
Kus diatur DCCI nya dipejalaika Training Consultant Campbell Apau ari Prime Mover Cpnsultant Sdn Bhd, dikemendarka CIDB Trainer.
Kus nya 40 pekara CIDB sereta kunteriktor enda tau enda berejister enggau CIDB ti mega mungkur kaul, pengurusan sumber manusia, asas perakaunan, belanja undang-undang enggau polisi sereta belanja projek. Semua nya prasyarat ke pemadu beguna dikena nyadi kunteriktor ti mujur.
Latih nya dipenyadi Sapit Presiden DCCI Kilat Beriak ti seraya meri terima kasih ngagai Lebuhraya Borneo Utara (LBU) ti meri belanja dikena ngatur kus nya ungkup kunteriktor, ti diatur DCCI kenyau bulan September 2017.
Sama datai Ahli Majlis Tertinggi ti mega Chairman Manpower Development Committee Dr Joseph Kendawang; Manijar DCCI Capacity Building Unit Mabel Salin enggau Skretari Eksekutif DCCI Terence Temenggong Jayang. KUCHING: Komiti Pengawa Bepilih (SPR) Sarawak nagit ulih nyapai 75 nyentuk ngagai 80 peratus pengundi berejista nurun muai undi ba Pengawa Bepilih Besai Ke-14(PRU14) kena 9 Mei tu.
Direktor SPR Datu Takun Sunggah madah ikas nya ulih dijapai enti semua pengundi meretika tanggungpengawa sida muai undi.
“Dikena nyapai juluk nya aku meransang pengundi nurun bebala mayuh muai undi ba palan ke udah ditetap.
“Tetiap undi kita deka nentuka perintah ungkup lima taun ke deka datai.
“Kelimpah ari nya, kaban tauka ejen ari tetiap parti mega dikearap ulih mantu SPR nengah chara meransang pengundi sida nurun bebala mayuh maya nya ila,”ku Takun lebuh dikerandau di Opis iya di Begunan Sultan Iskandar di Kuching kemari.
Iya nambah serak tu penyampau 1,220,960 iku pen- gundi sah peranak Sarawak deka bejalaika tanggungpengawa muai undi.
Penyampau nya ku Takun diambi ari rikod pengundi berejista SPR Sarawak naka 10 April 2018.
‘Penyampau pengundi sah tu deka ngundi di palan muai undi di 31 sitak parlimen Sarawak,’ku iya.
Nitihka penerang Takun, penyampau 1081 sekula di serata Sarawak deka nyadi palan muai undi.
Kelimpah ari nya ku iya 457 buah rumah panjai, 223 balai mensia mayuh enggau balai mayuh guna sereta 83 palan bukai deka mega nyadi palan muai undi.
Dikena ngelanchar PRU14, SPR Sarawak deka nguna 5,487 perengka pengangkut darat, 614 perau panjai, 61 perau laju (kuasa injin) enggau 36 buah bilun engkabang, tandu Takun.