Bekaul lima kaban kunsil besai parti nyengkaum dua kaban parlimen nya ditingkil ari PRS
KUCHING: Bansa minoriti Sarawak, bansa India mega bisi hak bejalaika tanggungpengawa sida nyadi pengundi ba pengawa milih ketuai ti bepenau ngembing.
Menteri Muda Nembiak enggau Lumba, Datuk Snowdan Lawan mansutka jaku nya seraya nambah, pengawa ti digaga sida ke diatu bisi nyaup nempa pengidup bala anak ngambika menyana, uchu enggau ichit jemah.
“Kitai meseti ngepunka nya lalu tu patut dipunka ari sebarang alai sereta dikena nyendiaka diri, pekara ke bisi dalam Sempekat Malaysia 1963 (MA 63) beguna amat diulih.
“MA63 iya nya pekara ti ditegika kitai nyadi sebagi ari menua ti numbuhka Malaysia m aya nya, nyengkaum Singapore, Brunei enggau Sabah.
“Mayuh raban nembiak kemaya hari enda nemu pekara tu lalu betanya ngagai sida ke tuai nama kebuah kitai ngintu kelalu mayuh Hari Merdeka 31 Ogos, 16 September, 22 Julai,” ku iya lebuh bejaku ba Pengerami Taun Baru Tamil ‘Puthandu’ 2018 ditu, kemari.
Nya alai ku Snowdan, udah nyadi tanggungpengawa tetiap apai indai nyeridi bala anak sida sentang isi dalam MA 63 ti mungkur menua ti ngaul diri maya nya.
Iya nyemetak madahka perintah Barisan Nasional ( BN) ukai semina bejaku ngapa baka bala penyakal.
Perintah bisi pengering enggau pemansut dikena bejalaika tetiap projek pemansang ti udah dilangkar sida.
“Kepala Menteri Datuk Patinggi Abang Johari Tun Openg mega udah bejalaika mayuh bengkah polisi ti pulaika pemaik Sarawak.
Antara nya baka Bank Pemansang Sarawak (DBOS), Petroleum Sarawak Berhad (PETROS), pengawa ngaga LRT enggau mayuh ke bukai beratika guna rayat enggau kapasiti pemansut ke bisi di nengeri tu.
Nya alai, sesebuah menua tauka nengeri ke bendar, begunaka siku ketuai ti praktikal ba pengawa ngemendarka polisi deka dipejalai.
Menteri Besai udah nemuai ngagai Sarawak enda kurang ari 60 kali lalu tu meri pengandal ngagai kitai lebuh iya ngagihka bajet ti besai penyampau ngagai Sarawak laban pechayaka Sarawak nyadi deposit tetap ngagai perintah BN, ku iya.
Sarawak nyelai tang kitai enda ulih nangkup pinta semua raban dalam sistem, taja pia, tanka penyerakup enggau pengelantang nya, ku iya nambah baru.
Sama bisi datai iya nya Presiden KIYA, Dr. Striprabu Strimari, Penghulu Komuniti India di Kuching, T. Komarusamy. KUCHING: Pemutus Parti Rakyat Sarawak ( PRS) ningkilka lima iku kaban kunsil besai parti nyengkaum Sapit Presiden Datuk Joseph Entulu tetap dipebasa, ku Kepala Menteri Datuk Patinggi Abang Johari Tun Openg.
Kelimpah ari nya, Abang Johari ke mega Chairman Barisan Nasional (BN) Sarawak netapka sida lima ke ditingkil PRS malam ensanus nya sigi enda diterima masuk Parti Pesaka Bumiputera Bersatu(PBB).
“Sigi enda... kitai ( PBB) enda nerima sida lima,’ku iya pengudah tembu Pengerami Konvokesyen Universiti Teknologi Swinburne di Palan Aum Borneo Kuching (BCCK) ditu, kemari.
Nyaut tanya bukai ari pemberita, Abang Johari nyangkal tuduh diak sekeda orang ke dikumbai ‘big brother’ bisi nyukung Entulu nyadi chalun di Selangau lalu keran ngubah rintai nama chalun PRS ke dianjung presiden parti nya.
Nyaut tanya bukai ari pengarang berita, Abang Johari nyangkal tuduh sekeda orang ke dikumbai ‘big brother’ bisi ngubah rintai nama chalun
Sigi enda...kitai (PBB) enda nerima sida lima. Datuk Patinggi Abang Johari Tun Openg Kepala Menteri
PRS ke dianjung presiden parti nya.
“Tuduh nya semina spekulasyen aja, serak tu kitai napi pengawa bepilih parlimen lalu pemutus ba rintai nama chalun digaga Menteri Besai,’ku iya.
Abang Johari mega madah rintai chalun ngarika BN Sarawak ungkup Pengawa Bepilih Besai ke-14 (PRU14) deka dibantai ila (sehari tu) jam 9 pagi di Kuching.
Ba aum, ngenyit Kaunsil Besai PRS malam ensanus, Komiti ‘Khas’ PRS netapka sida lima ngelanggar penetap parti lalu ditingkil tekala nya nengah Genteran 8(22)(m)(i) Konstitusyen PRS.
Presiden PRS Tan Sri James Masing madah, Entulu ke mega Menteri ba Opis Menteri Besai enggau penyandang sitak parlimen Selangau enda bebasaka pemutus parti ti enda milih iya bediri ngenanka penuduk.
Ku Masing, Entulu enggau nyata madah ngagai bala mayuh iya mengkang chalun di Selangau tajapan PRS udah milih Rita Insol.
“Ulah sida lima tu mandangka sida enda bebasaka parti ba sentang chalun ke udah dipilih ngarika parti ungkup PRU14 sereta udah ngujungka parti balat dikelesei,’ku Masing ba aum pengarang berita pengudah aum ngenyit nya.
Kelimpah Entulu, empat ke bukai ke ditingkil iya nya Datuk William Nyallau Badak ke nyadi penyandang sitak Parlimen Lubok Antu, Nyempah Sabut, Adriana Chumang enggau Edward Kurik.
Ba sentang penyalah sida empat, Masing ke mega Sapit Kepala Menteri madahka sida ditemu ngeruga penyerakup dalam parti nengah chara nyukung Entulu.
Ba aum pengarang berita nya mega Masing madah, surat ti madahka sida udah ditingkilka ari parti deka dianjung malam nya mega.
‘Pengudah ditingkil, Entulu enggau Nyallau tau bediri nyadi chalun ngatika diri, tang seduai enda deka bediri nengah chalun terus BN,” ku Masing enggau nyemetak.
Dulu agi ari tu, Masing suah madahka Rinta Insol deka nyadi chalun baru di Selangau lalu Robert Pasang Alam di Lubok Antu.