Tu maya iya mandangka pengamat Perintah PH mulaika minyak enggau gis Sarawak, ngetanka integriti minyak enggau tasik menua
KUCHING: Semua rayat menua tu enda tau enda bediri tegut nyukung Perintah ngetanka integriti minyak enggau gis sereta tasik Sarawak.
Ku Chairman Parti Reformasi Sarawak, Lina Soo, enda ibuh nyalahka sapasapa dalam pekara tu, ke ngujungka kitai pambar sereta ngachau pengelikun menua tu.
“Diatu maya iya semua rayat bediri di belakang Perintah Negeri Sarawak enti Perintah PH (Pakatan Harapan) bedau besedia ngubah PDA (Akta Pemansang Petroleum 1974) enggau TSA ( Akta Tasik Menua 2012) ke enda nyengkaum Sarawak.
“Tu mandangka pengamat perintah PH deka ngemansangka Sarawak nengah chara mulaika minyak enggau gis kitai,” ku iya madah nengah siti penerang ditu, kemari.
Soo madah, PH Sarawak mega patut mandangka sida iya amat-amat deka nulung sereta deka ngetanka integriti
Ansak PH meri 20 peratus reti nya sida iya deka nyerah ke semua minyak kitai ngagai Perintah Besai, lebuh sida iya madahka PDA enda ulih dilaban lalu iya utai ke tetap. Sida iya enda ngetanka integriti minyak enggau tasik Sarawak. Lina Soo Chairman Parti Reformasi Sarawak
minyak enggau tasik menua tu.
Enti PH Sarawak enda ulih meri pengarap ngagai PH ba renggat Perintah Besai, iya madah sida iya pan nyerumba Barisan Nasional (BN) ke suba lebuh enda mantah ketuai sida iya di Semenanjung Malaysia.
“Ansak PH meri 20 peratus reti nya sida iya deka nyerah ke semua minyak kitai ngagai Perintah Besai, lebuh sida iya madahka PDA enda ulih dilaban lalu iya utai ke tetap.
“Sida iya enda ngetanka integriti minyak enggau tasik Sarawak,” ku iya madah baru.
Ku iya, atur undang-undang ke dikena Petronas enda tau enda digaga nyadi lalau nyerakupka semua rayat menua tu meri empas ngagai pengawa Perintah Besai ke ‘membuli’ lalu ngambi ulih ba Sarawak.
Ku iya nandu baru madahka, pengawa ti digaga ulih kompeni petroleum nya deka mantai tauka ngerintaika sapa anak ke bendar Sarawak ke deka ngentanka hak sereta integriti menua tu.
“Enti Sarawak alah di Kort Besai, kitai deka punas semua pemisi kitai, lalu nangkan nya, nyikap diri meh kitai nurun ngagai Kort Britain mantah Perintah menua Malaysia ke terang madahka semua hak enggau kuasa Sarawak ba pemisi minyak enggau garis tasik kitai,” ku iya.