Baru dikearapka ulih nentuka penembu projek Jalai Ngemah/Temalat/Song/Kapit
SIBU: MP Kapit Datuk Alexander Nanta Linggi kemari udah mantaika pengarap ati ngagai Menteri Kereja Raya ke baru dichiri, Baru Bian nentuka perambu projek Jalai Ngemah/ Temalat/ Song/ Kapit ulih ditembu nitihka timpuh ke udah ditetap.
Iya mega ngarapka Sapit Menteri Dagang, Koperasi enggau Pekara enggau Bebeli Barang, Chong Chieng Jen nentuka opis menteri nya matau rega barang nyengkaum minyak di Kapit.
Nanta, ke mega ex- Sapit Menteri Pemansang Menua Pesisir enggau Kandang Menua, madah munyi nya dalam m edia rama ti minta kerejasama ari kededua piak parti politik nangkup pengarap enggau aspirasyen rayat Malaysia.
Perambu ngaga projek Jalai ke sepenyauh 83 kilometer ti nyambung Kanowit enggau Kapit nya endang udah lama dianti raban orang ti suah mindah entara Kapit enggau Sibu.
Ke rikod, semina bagi menua Kapit aja di Sarawak tu ke agi bepanggai ba perengka pengangkut ai enggau enggau jalai kayu batang ke nujah m a dang sawit entara Song enggau Kanowit.
Nguna belanja RM711 milion perambu projek jalai nya berengkah digaga dalam taun 2011.
Kena bulan Mei taun nyin tadi, Nanta nyakal pinta perintah ke sebedau tu ti madahka ngelanjarka pengawa ngaga jalai nya ketegal pengawa bepilih ke-14.
Iya nerangka bisi sekeda ubah digaga jalai jalai semanjai 9.6km ti nyambung Nanga Ngemah di Kanowit enggau Nanga Temalat in Song, projek jalai nya ke balat kritikal.
K bendar pelin jalai nya digaga m ansa Palan Pengentap Berumah Baru Nanga Ngungun tang diubah ketegal tau ngenataika pemar ngagai peranak ari 26 buah rumanh panjai din, ku iya.
Kena bulan Januari taun tu, lebuh iya nyadi sapit menteri, Nanta diripot bisi mantaika jaku ke alai kunteriktor dipilih ngaga projek jalai semanjai 9.6 km, Sarcon (M) Sdn Bhd, dipelabaka datai ba palan ngaga jalai nya kena 20 Februari.
Ku iya, projek nya dipelaba tembu dalam kandang 30 bulan.