Nya ukai kelai ke manah ngagai nengeri enggau rayat, lalu deka nemu sekalika nya sebengkah chara baru ngalahka menua
SIBU: Penerang ke pemadu baru ari Petroliam Nasional Berhad (Petronas) kemari dipeda kasar sereta sumbung lalu enda ibuhka orang bukai, pia ku Datuk Abdul Karim Rahman Hamzah.
Dalam penerang nya, Petronas tetap deka nuntut pemansut minyak enggau gis Sarawak, sereta madahka diri pengempu eklusif pemansut pengeraja asal di Malaysia, lalu semina sida aja ke ngemata sereta nyaga pemun sektor nya di menua tu.
Abdul Karim, ke mega Menteri Dagang Temuai, Seni, Adat Nembiak Lumba enggau Main, madahka nya ukai kelai ke manah ngagai nengeri enggau rayat, sereta irauka enggaika nya sebengkah chara baru ngalahka menua.
“Kitai ditu bisi sebuah kompeni ke madah ngagai nengeri ke pemadu besai di Malaysia ke alai sida pengempu eklusif pemansut minyak enggau pengeraja asal lalu semina sida aja ti ngemata sereta nyaga pemun dagang nya.
“Petronas udah ngerembai nyadi entiti korperat global
Petronas udah ngerembai nyadi entiti korperat global ari pemansut pengeraja asal nengeri tu, nyadi bingking sereta nipas jari ke udah nyuap sida ngelama tu. Abdul Karim Menteri Dagang Temuai, Seni, Adat Nembiak Lumba enggau Main
ari pemansut pengeraja asal nengeri tu, nyadi bingking sereta nipas jari ke udah nyuap sida ngelama tu,” ku iya.
Petronas udah ngeluarka penerang berita dikena nimbal penerang berita ti dipansutka Opis Kepala Menteri kena 1 Julai ti madahka nengeri tu deka neritka kuasa ari baruh Sarawak ke bekaul enggau aktiviti minyak enggau gis di Sarawak.
Semua kompeni ny engkaum kunteriktor mit enggau penyual minyak enggau gis dalam industri nya enda tau enda minta lisin ari Perintah Sarawak nga,bika ulih beoperasyen berengkah ari 1 Julai. Pinta nya digaga ari baruh Ordinan Ngelumbung Min- yak (OMO) 1958, nyengkaum atur ke bukai.
OMO nya netapka pemain ba industri minyak enggau gis di Sarawak, nyengkaum Petronas, patut nitihka atur nya. Undang – undang enggau atur ke patut deka ditinggang ba sesapa aja ti enda nuitihka Ordinan, lalu tu nyengkaum aktiviti pengemun ti dipejalaika Petronas.
Lisin enda tau enda dipinta baka ke ditetap dalam OMO58 lalu dianjung ngagai Opis Bekuasa Pengatur Pengeraja Asal ( SMMA) nengah Petroleum Sarawak Bhd (Petros).
Kepala Menteri, Datuk Patinggi Abang Johari Tun Openg udah beratka pematut neritka OMO58 ke meri hak ngambika pemain ba industri minyak enggau gis ke beoperasyen di Sarawak diempu perintah nengeri.
Ari baruh atur baru nya, Petronas enda tau enda bekerejasama enggau Petros ngeluar tauka ngulihka minyak enggau gis ari dalam tanah dalam kandang garis menua negeri tu, nitihka perintah Sarawak.