Perintah Nengeri Sarawak tetap deka neritka OMO58: Hasidah
KUCHING: Nadai utai ulih nagang Sarawak neritka undang-undang Ordinan Ngelumbung Minyak 1958 ba nengeri diri.
Menteri Muda UndangUndang, Kaul Perintah Nengeri enggau Perintah Besai sereta Matau Projek, Sharifah Hasidah Sayeed Aman Ghazali madahka perintah Sarawak deka bejalaika sebarang hak bepelasarka OMO58 ke pemaik rayat Sarawak.
“Kami enda deka bebatak asur ba undang – undang ti diteritka kami. Kami deka neritka undang – undang ke pemamik rayat Sarawak lalu kami mega deka nentuka hak ba n yaga sereta ngemata nya diintu,” ku iya lebuh ditanya sentang penerang berita Petroliam Nasional Berhad (Petronas) ti enggai ngalahka diri ba pekara pengempu ekslusif ba pemansut Sarawak nya.
Sentang sekalika Sarawak deka ngukum Petronas ketegal enda nitihka pinta un- dang – undang nya, Sharifah Hasidah madahka agi tumu diatu berundingka pekara nya laban Petronas nadai nyemetak madahka diri enggai nitihka nya.
“Kami agi deka neritka OMO58 ke pemaik rayat Sarawak tang enti sida (Petronas) mai pekara tu ngagai kort, kami udah sedia,” ku iya.
Petronas bepanggai ba Akta Pemansang Petroleum1974 ke nyadi pengempu ekslusif tang Perintah Sarawak nun- tut enakmen nya nengah Parlimen ti udah ngelanggar konstitusyen Malaysia.
Petronas madahka kompeni nya aja ke ngempu pengawa pengemun sektor nya di menua tu ke deka minta penemu enggau lalau ari perintah besai ngambika ulih Petronas kediri aja ulih bejalaika pengawa nya.
Perintah Sarawak bekeras netapka OMO58 ke alai semua pemain ba industri minyak enggau gis di Sarawak nyengkaum Petroliam Na- sional Berhad ( Petronas) patut nitihka nya.
Atur undang – undang ke patut enda tau enda ditinggang ngagai orang ke uda nitihka Ordinan nya, lalu tu patut nyengkaum aktiviti pengemun ti dipejalaika Petronas.
Lisin enda tau enda dipinta baka ke ditetap dalam OMO58 lalu dianjung ngagai Opis Bekuasa Pengatur Pengeraja Asal ( SMMA) nengah Petroleum Sarawak Bhd (Petros).
Kepala Menteri, Datuk Patinggi Abang Johari Tun Openg udah beratka pematut neritka OMO58 ke meri hak ngambika pemain ba industri minyak enggau gis ke beoperasyen di Sarawak diempu perintah nengeri.
Ari baruh atur baru nya, Petronas enda tau enda bekerejasama enggau Petros ngeluar tauka ngulihka minyak enggau gis ari dalam tanah dalam kandang garis menua negeri tu, nitihka perintah Sarawak.