Nembiak ti udah tembu besekula ditesau nyereta program akademik PPKS, ICATS

MIRI: Mensia mayuh kelebih agi nembiak ti udah nembuka sekula dikangau ngambi bagi ba Palan Pemansang Pengelandik Sarawak ( PPKS)/ International College of Advance Technology Sarawak ( ICATS) dalam program akademik ke diambi tama dalam bulan Julai 2018.

Program kus ke dibuka iya nya Business Administration Diploma Pengurusan Perniagaan, Diploma Pengurusan Ladang sereta diploma enggau setipikit dalam Elektrikal enggau Elektronik Injiniring.

Ba PPKS Miri, program bukai ke mega bisi dibuka iya nya Sijil Kemahiran Malaysia (SKM) ungkup Industri Elektronil, Mekatronik, Sistem Komputer enggau Pengurusan Pejabat ke alai nembiak ke diambi deka berengkah belajar dalam bulan Oktober 2018.

Bantu pelajar bisi disediaka ungkup program iya nya ari Skills Development Fund Corporation (PTPK) ngagai nembiak ke ngambi SKM enggau National Higher Education Fund (PTPTN) ngagai nembiak ke nganbi bidang akademik.

Sesapa ke bisi ati minta program tu di Miri tau datai terus ngagai opis PPKS/ICATS Miri ba Blok 1, MCLD, Jalai Shell Lutong.

Dokumen ke patut dibai maya ngerejista diri baka salin MyKad, surat pengada, slip pemutus SPM, setipikit badu besekula enggau gambar saiz pasport.

Penerang silik ke pengawa ngambi masuk ungkup bulan Julai enggau Oktober tau ditanya ngagai Derell Ladi nengah lumur 012-8992184 tauka Bibiana nengah lumur 014- 6948560 tauka opis PPKS/ICATS nengah lumur 085- 622184 maya jam gawa.

Mensia mayuh mega tau meda ba website PPKS/ ICATS Miri, www. ppks. edu. my/ miri.