Kelebih agi ngagai kededua menteri enggau sapit menteri ke dipilih ari Sarawak ti udah diberi tanggungpengawa baru
MIRI: Gabungan Parti Sarawak (GPS) deka terus bekerejasama enggau semua menteri kabinet dikena nentuka pemansang terus dipejalai di Sarawak.
Kaban Parlimen ( MP) Sibuti Lukanisman Awang Sauni madahka tu nyengkaum bekerejasama enggau dua menteri ari Sarawak ke udah dichiri nyadi Menteri Kereja Raya enggau Sapit Menteri Dagang Dalam Menua, Koperasi enggau Orang Bebelika Barang.
“Kitai nyukung penuh MP Selangau Baru Bian enggau MP Stampin Chong Chieng Jen ti ngarika Sarawak dalam rintai menteri kabinet,” ku iya madah kemari seraya meri pengaga ati ngagai Baru enggau Chong ke tanggungpengawa baru seduai.
Baru enggau Chong udah ngangkat sumpah nyadi Menteri Kereja Raya sereta Sapit Menteri Dagang Dalam Menua, Koperasi enggau Orang Bebelika Barang kena Hari Satu tu tadi di Istana
Kitai nyukung penuh MP Selangau Baru Bian enggau MP Stampin Chong Chieng Jen ti ngarika Sarawak dalam rintai menteri kabinet. Lukanisman Awang Sauni MP Sibuti
Negara.
“Taja pan aku agi ngarap mayuh agi Menteri enggau Sapit Menteri ke diambi ari Sarawak, baka nyirika sida ke indu, tang aku pechaya tu pemutus ti pemadu manah ari Menteri Besai begulai enggau penyanding penemu iya, nyangka kededua peranak Sarawak ti udah dipilih tu ketegal sida ngembuan kualiti ti nyulut.
“Kitai mega ngarapka menteri kabinet agi neruska agenda pemansang ungkup mensia mayuh, dikena nentuka mayuh projek ulih dipejalai kelebih agi di kandang menua pesisir,” ku iya.
Lukanisman madahka nyadi siku MP, iya seruran nyukung semua polisi ke dipejalai perintah Pakatan Harapan (PH) seagi nya mai penguntung ngagai rayat Sarawak.
“Kitai mega minta perintah neruska polisi ti ngintu pengelantang pendiau rayat baka mantu rayat, pekara berumah, pemansang infrastruktur di kandang menua pesisir enggau mayuh agi,” ku iya.
Nitih ku iya, parlimen Sibuti mega begunaka Program Rumah Rayat (PPR) ba sitak Niah lalu ngarapka perintah baru beratika peminta nya.
“Kitai pechaya Baru Bian ulih megai tanggungpengawa ke udah dilempai ngagai iya ke nyadi Menteri Kereja Raya ti deka nentuka projek Jalai Besai Pan Borneo (PBH) ulih tembu sereta ulih ngemayuhka sambung jalai di menua pesisir.
“Tanggungpengawa sida ulih ngangkatka pemansang Sarawak lalu kami ke nyadi MP penyakal deka komited meri kerejasama dikena nentuka pemujur pejalai projek pemansang,” ku iya. SIBU: Pekit Sepak Takraw Kandang Tengah Sarawak diatu nesau tim takraw bela ngambi bagi ba pekit nya ke deka belabuh diatur 14 enggau 15 Julai tu.
Palan endur ngatur pekit tu iya nya ba Dewan Persatuan Sepak Takraw Sibu ( PESTAS) di Kampung Bandong ditu.
PESTAS ti ngatur pekit tu andal nganti penatai tim ari Sarikei, Kapit, Kanowit, Mukah, Daro enggau menua bukai.
Perais pekit tu iya nya mata duit, tropi, enggau midul.
Tim ke deka ngambi bagi ba pekit enda tau laun rejister nama ngelui ari 13 Julai, jam 5 lemai.
Bayar pekit iya nya RM80 siti tim.
Pm enggau penerang silik tau ditanya ngagai Abdul Rahim nengah lumur 0111-2641489, Afizan Sahri (014-6848767) enggau Mohd Zainorin (01111-523685).