Perintah nengeri ke dipegai GPS deka terus bekerejasama enggau perintah PH ba renggat menua ungkup pemansang
KAPIT: Kaban Kunsil Nengeri ( ADUN) Bukit Goram Jefferson Jamit Unyat ngelalau ketuai raban bansa sereta ketuai gerempung ngambika enda saru enggau perintah ba renggat menua enggau nengeri. Iya minta sida ngambika madah ngagai nembiak redak bekaul gaya politik ke diatu.
Ku iya madah enggau silik, Sarawak diatu dipegai Gabungan Parti Sarawak (GPS) lalu Pakatan Harapan (PH) iya nya perintah besai. Iya mega madah perintah nengeri endang deka bekerejasama enggau perintah besai ungkup pemaik nengeri tu.
“GPS iya nya gempung parti Sarawak baka PBB, PRS, SUPP enggau PDP sereta UPP. Perintah nengeri udah bisi sepengudah pengawa bepilih nengeri kena bulan Mei 2016. Tu dikena ngetanka hak Sarawak baka imigresyen, mingak enggau gis, kitai patut nyukung GPS ngambika terus megai nengeri tu lebih ari taun 2021. Kitai meseti sama ngetanka hak nengeri tu. Kita enda ulih ngarapka orang luar ngemataka pemisi kitai,” ku Jamit.
“Kena 9 Mei 2018, Pengawa Bepilih Besai ke- 14 udah dipejalai dikena milih pengari rayat dalam parlimen. Ba pengawa nya, PH udah menang lalu megai tanggungpengawa nyadi perintah besai. Menteri Besai iya nya Tun Dr Mahathir mohd. Lalu ba Sarawak, ari Upper Rajang ari Kanowit nyentuk Hulu Rajang, chalun kitai udah teulihka pemujur. Tu udah chukup mandangka sukung men- sia mayuh ngagai Datuk Aeron Dagang di Kanowit, Datuk Alexander Nanta Linggi di Kapit lalu Datuk Wilson Ugak Kumbong di Hulu Rajang iya nya sida tu Kaban Parlimen ( MP) kitai ke deka besumpah ba Parlimen kena 17 Julai tu. Aku deka beterima kasih laban udah meri sukung tu penuh ngagai Nanta ke udah teulihka majority ti tinggi enti dibanding enggau PRU ba taun 2013,” ku Jamit leuh ti bejadika pengawa nyuaka geran Projek Mit Menua Pesisir ( MRP) ba Hotel Meligai bedau lama.
Ba pengawa nya, Jamit udah nyuaka geran MRP ti sepenyampau RM292,500 ngagai 25 buah gerempung nyengkaum Komiti Pemansang enggau Pengelikun Genturung Pendiau (JKKK), gerempung jalai pengarap, kelab rekreasyen, serakup sereta Gerempung ukai Dikuasa Perintah (NGO) ke ba baruh pegai iya.
Bejaku bekaul geran nya, Jamit madahka nya nitihka penyampau ti dipinta lalu bisi sekeda nya udah diberi dulu.
Iya mega ngarapka geran nya dikena enggau memanah ari sida ke minta.
“Nyadi orang ti udah dipilih, kami endang bekira enggau geran ke udah dipansut. Sapa pan nerima geran perintah meseti ngena enggau manah nitihka pematut. Tu meseti dikena projek ke udah dilangkar nitihka dalam pom peminta geran nya. Diatu nitih ke pengelurus sereta tanggungpengawa kita ke patut ngena geran nya enggau manah,” ku iya.
Iya mega bisi ngelalau sida ngambika madah ngagai kaban ke bukai iya nya chek deka dipasukka ke dalam
GPS iya nya gempung parti Sarawak baka PBB, PRS, SUPP enggau PDP sereta UPP. Perintah nengeri udah bisi sepengudah pengawa bepilih nengeri kena bulan Mei 2016. Tu dikena ngetanka hak Sarawak baka imigresyen, mingak enggau gis, kitai patut nyukung GPS ngambika terus megai nengeri tu lebih ari taun 2021. Kitai meseti sama ngetanka hak nengeri tu. Kita enda ulih ngarapka orang luar ngemataka pemisi kitai. Jefferson Jamit Unyat ADUN Bukit Goram
akaun sida. Tu endang patut ngambika nembiak redak nemu chek nya udah dipasukka ke dalam bank.
Sama bisi datai iya nya chairman PBB Bukit Goram Watson Awan, sekretari Edward Manggah, ketuai raban bansa, ketuai gerempung sereta bala ke bukai.