DBMC deka ngatur pengerami diri sebilik kena 14 Julai tu
KUCHING: Kelab mutosikal Dayak Bikers M.C Kuching Chapter (DBMC) deka ngatur sebengkah program berami diri sebilik kena Hari Enam (14 Julai) bepalan ba Adis Buan Resort di Bau.
District Leader kelab tu, Raphael Bujang madah program tu ti keterubah diatur DBMC ke taun tu dikena ngedutka agi kaul ati antara raban kelab kelimpah mai diri sebilik sama bekelala enggau pangan diri.
“Raban ke ngemasuk kelab tu majak nambah senambah, taja pia enda semua sida ke minta masuk nyadi raban diterima pia aja.
“Sida tu deka diperati dulu sebedau ke ditapis sereta dikemendarka nyadi raban tetap”, ku Raphael.
Naka ke diatu, DBMC Kuching udah bisi lebih ari 30 iku kaban tetap.
Belanja ke dikena ngatur pengerami tu nguna duit pupu kelab sereta sekeda belanja nya diterima nengah pelanja ari raban orang dagang.
Entara sida ke bisi udah nyuaka belanja tu nyengkaum Teelong T ti ngempu palan pemakai DDayak Café Kota Samarahan enggau siku pen- gari ari Dayak Middletown (Jang Blixie).
Sekeda rintai pengawa maya pengerami tu ila iya nya bekunsika penerang bekaul enggau pengerai, pengelikun maya nepan mutosikal, main ungkup nembiak mit enggau apai indai kelimpah barbekiu.
Nitihka penerang ari Raphael, program ti sebaka deka diatur baru dalam pengujung taun tu ila.
Ngenang senentang pengawa bukai, DBMC bisi sama ngulu program ‘RiangRia Raya dan Penutupan Gawai’ di Rumah Nembiak Mit Datuk Toh Puan Hajah Norkiah di Batu 12 Kuching ke diatur Iron Tiger Bikers Club Kuching.
Program tu dipasuk mayuh bengkah pengari ari kelab mutosikal pelilih mengeri Kuching.
Bala pengabang diberi peluang berandau sereta merarau begulai enggau raban anak patu balu ke diau ngenduh di palan tu.
Penerang senentang kelab tu tau dipeda ba facebook/ dayak bikers kuching chapter tauka betanya ngagai Raphael nengah lumur 016 8660799 tauka nuju Seketeri Steven Kana (013 8947206). SIBU: Kes jari, kaki enggau mulut (HMD) di Sarawak dirikodka udah nurun enggau mayuh enti dibandingka enggau taun nyin kemari, ke mandangka mensia mayuh enda semina nejuka lalau ti udah diberi tang mega ngemeratka pekara ti patut dirunding dikena nyeliahk pekara tu nyadi.
Opis Pengerai Sarawak ngemansutka penerang kemari madahka bisi 3,514 kes ke udah dirikodka nyentukka tengah minggu ke-27 (8 Julai) taun tu, enti dbandingka enggau 6,,432 kes ke sama ba timpuh ti sebaka.
“Taja bisi penurun sentang penyampau ba kes taun tu ( di Sarawak), tang ari sukut rikod nitihka minggu tinggi agi ari taun 2017, nya alai mensia mayuh patut bejejaga ngambika HFMD enda nyentuk ba tikas bejejaga,” ku penerang nya, seraya nambah HFMD ba nengeri tu diatu ba baruh tikas ti enda manah.
Bagi menua Kuching diatu ngerikod mayuh kes iya nya ba minggu ke-27 bisi 996 kes ditangkan ke Miri enggau 758 kes, Sibu (378), Bintulu (288), Serian (202), Mukah (193), Samarahan (185), Limbang (143), Sri Aman (133), Betong (87), Kapit (83) enggau Sarikei (68).
Pia mega bisi dipadah dia penyampau semua 23 buah palan nyeridi nembiak mit udah ditutup nyentukka ba minggu EW27, 2018 lalu semua palan nya udah dibuka baru.
Lebuh ti meri lalau ngagai bala apai indai, opis nya nyemetak madahka pemerat nyaga pemeresi diri enggau kandang endur dikena nyeliahka penyakit HFMD.
Kelimpah ari nya, Direktor Besai Pengerai Dr Noor Hisham Abdullah madahka kemari bisi 27,296 kes udah diripotka ba selmapur dunya nyentuk 30 Jun, bisi niki 28 peratus ba timpuh ke sebaka taun nyin kemari.
Ku iya, semua nengeri kelimpah ari Johor, Sarawak enggau Sabah udah ngeluie ari tikas ke enda patut.
“Tikas ke enda patut nya nitihka pukul rata penyampau kes HFMD ti udah nyadi lima taun ke udah lalu nyampau nya bebida nitihka penyampau ti nyadi ba tetiap nengeri,” ku iya nyemetak.