Henry minta siti agi jalai ari Kampung Serasit-Kampung Suba Bau dibuka
KUCHING: Kaban Kunsil Nengeri ( ADUN) Tasik Biru, Dato Henry Harry Jinep udah mantaika peminta muka siti agi sambung jalai ari Kampung Serasot ngelawa Kampung Suba Bau di Pelilih Bau.
Ku iya, sambung jalai tu ulih nyadi jalai alternative maya bisi penusah ampuh bah di sepanjai jalai Pejiru – Boring, kandang menua ampuh bah di sepanjai jalai ari Baru ngelawa pasar minggu tebilang di Serikin.
Kelimpah ari nya, ku iya, sambung jalai baru mega ulih berimbaka mayuh agi tanah bansa Bidayuh ke bisi ngelingi di sepanjai jalai nya pulaika pemaik bala komuniti dia.
“Dikena mungkal pengawa, inisiatif kami enggau jalai kebun di baruh program Projek Transformasyen Menua Pesisir ( RTP) ari Suba Buan ngagai Jalai Borui, Kawasan Abang, Kampung Serasot,” ku iya.
Henry udah nyerungkai pengulih ngaga sambung jalai baru tu dalam taun nyin tadi pengudah ngetuaika pejalai neresa kampung pengelama tiga jam ari Suba Bau ngagai Serasot.
Gambar enggau jaku ari iya enggau raban deligit rambau pejalai nya bisi dibantai ba akaun Facebook iya, lalu nerima timbal chukup manah ari sida ti datai asal ari kandang menua nya.
Ba lansa bukai, Henry kena Hari Tiga tu tadi rambau Aum Kunsil Nengeri udah nyukung Rang Undang-Undang Kanun Tanah Sarawak (Ubah) 2018 ti dibantaika Sapit Kepala Menteri Datuk Amar Douglas Uggah Embas.
Rang Undang-Undang ti udah dikemendar kena Hari Empat tu tadi, meda tiga ubah berat dikena nyaga hak peranak asal. Tu nyengkaum ngubah Klausa 3 ba tatak pemesai garis entara menau ti ngemendarka komuniti asal minta/ngempu 1,000 hektar tauka 2,500 hektar.
Henry nyadi siku ari 22 ADUN ti udah ngapil pemesai tanah, ti asal iya ditatak 500 hektar, ngambika ditambah, ngambika diperunding ari penerang dalam jurai iya ti patut ditambah ngagai 1,000 hektar.
Iya udah nerang ke alai nangkup pinta udah nyata ngayanka sida udah bejalaika ‘usufructuary rights’ ba atas tanah ti disebut, perintah patut anang ngenggai enggau natak pinta nitihka undang-undang menua sida seagi dalam kontek Rang Undang-Undang tu.
“Tu kelebih agi maya datai ba pengujung hari kami besemaya ngagai komuniti asal ke alai sida deka bisi hak asal sida ngambika dijaga kami, perintah,” ku iya.
Iya mega madahka ubah rang undang-undang mega merambu ungkup ngemasukka ‘native communal title’, ngemai kuasa enggau ngaku status adat asal nyadi status dokumen di baruh Kanun Tanah Sarawak.
Iya nyemetak madah, ari nya, tu deka meri hak basa adat ngagai pengempu status adat asal ti deka enda dikeluar ngagai siku orang tang ngagai semua komuniti, tauka gempung raban enggau entiti sida ti patut megai hak dalam pengandal ngagai komuniti.
Tu deka enda nuduh/madu tauka meri ngagai sebarang orang ti ukai kaban dalam komuniti asal nentuka tanah meruan enggau komuniti, dalam gaya ti meruan tauka disebut dalam jaku Bidayuh Bau, ‘nog nogon nogon’.