BRC deka ngatur ‘14th Annual Borneo Research Council’ ari 6-8 Ogos di UNIMAS

KUCHING: Palan Pelajar Borneo (Institut Pengajian Borneo tauka BRC), Universiti Malaysia Sarawak (UNIMAS) deka ngatur aum besai ‘14th Annual Borneo Research Council’ ( BRC) kena 6 ngagai 8 Ogos di kampus universiti nya.

Ku penerang nya, atur pengawa Majlis Penyelidikan Borneo dipunka dalam kandang 50 taun suba, iya nya ba taun 1968 ke betuju ngangkatka pengawa pansik ke betatika Pulau Borneo ari sukut sejarah, sains sosial enggau rampa menua.

Aum BRC udah kala digaga, dua taun sekali ari taun 1990, alai aum besai keterubah digaga di menua tu ke betuaika UNIMAS.

Berindik ari penumbuh opis kaunsil nya, enggau skop pengawa pansik di Borneo ke majak ngerembai, aum besai nya deka ngumpul pansik baka gaya kediatu dalam mayuh bengkah pekara baka kampung di Borneo, Adat Pesaka, Musik, Hari Besai, Orang Indu enggau Pemansang, Ngemutarka Adat Pesaka, Jaku Borneo enggau mayuh macham pekara bukai.

Speaker tauka orang ke dibai mantaika jaku sida iya ba aum besai tu ila, nyengkaum Profesor Victor King, Dr Liana Chua, Prof Dato’ Dr Mohd Tajuddin Abdullah enggau Profesor Tan Sri Dato’ Dzulkifli Abdul Razak.

Sida ke bisi ati deka enggau aum besai tu tauka deka nemu pasal atur pengawa tu enggau silik agi tau betanya ba Dr Haslina Hashim ba lumur talipaun 019-4674777 tauka emel ngagai 2018brc@gmail.com tauka nengah laman web aum besai tu, iya nya http://www. conference.unimas.my/2018/ brc2018/index.php.